საქართველოს უნივერსიტეტი

სტუდენტთა მობილობის წარმართვა

სასწავლო ნაწილი კანონმდებლობით დადგენილი წესის შესაბამისად წარმართავს სტუდენტთა მობილობას.

სხვა სასწავლებლებიდან სტუდენტთა გადმოსვლა

სხვა უმაღლესი სასწავლებლებიდან სტუდენტთა გადმოსვლა უნდა განხორციელდეს სასწავლო პროგრამის დაწყებამდე, შესაბამისი კანონმდებლობით გათვალისწინებულ ვადებში. ამისათვის სასწავლო ნაწილი სააკრედიტაციო სამსახურში განსაზღვრულ ვადებში აგზავნის ცნობას და მასალას საუნივერსიტეტო ვაკანსიების თაობაზე, განათავსებს ინფორმაციას საუნივერსიტეტო ვებ-გვერდზე.

პროცედურა:

გადმოსვლის მოსურნე სტუდენტი, სარეგისტრაციო ვადებში, წერილობითი განაცხადით მიმართავს ადმინისტრაციას. განცხადებას განიხილავს სასწავლო კურსების/კრედიტების აკადემიური ცნობის კომისია, რომელიც კანონმდებლობით დადგენილი წესით, მოტივირებული გადაწყვეტილების მიღების გზით, ადგენს საქართველოს უნივერსიტეტში გადმოსული სტუდენტის მიერ გავლილი სასწავლო კურსების/კრედიტების შესაბამისობას საქართველოს უნივერსიტეტის საგანმანათლებლო პროგრამებთან. კომისიის შემადგენლობაში შედიან სასწავლო ნაწილის უფროსი, ხარისხის უზრუნველყოფის მენეჯერი და იმ სკოლების დირექტორები / დეპარტამენტის ხელმძღვანელები, სადაც ხდება სტუდენტთა გადმოსვლა;
კომისია აჯერებს გადმოსვლის მსურველი სტუდენტების მიერ გავლილი პროგრამისა და მოპოვებული კრედიტებისა შესაბამისობას;
სასწავლო ნაწილი აგზავნის განათლების აკრედიტაციის ეროვნულ ცენტრში კანონმდებლობით დადგენილ ინფორმაციას მობილობის პროცესში ჩართულ სტუდენტებზე; განათლების აკრედიტაციის ეროვნული ცენტრის თანხმობის წერილის მიღებისა და სტუდენტთა მიერ რეგისტრაციის გავლის შემდეგ, უზრუნველყოფს მათ უნივერსიტეტში ჩარიცხვას.

სტუდენტთა შიდა მოძრაობა (ერთი სკოლიდან მეორეში გადასვლა)

პროცედურა:

გადმოსვლის მოსურნე სტუდენტი სარეგისტრაციო ვადებში წერილობითი განაცხადით მიმართვს ადმინისტრაციას. განცხადებას განიხილავს უნივერსიტეტში მოქმედი სასწავლო კურსების/კრედიტების აკადემიური ცნობის კომისია. კომისია აჯერებს გადმოსვლის მსურველი სტუდენტების მიერ გავლილი პროგრამის, მოპოვებული კრედიტებისა და ერთიან ეროვნულ გამოცდებზე ჩაბარებული საგნების შესაბამისობას;