AMS 5100 აშშ-ის ისტორია 1877 წლამდე
კურსის მიზანია, გააცნოს სტუდენტებს ამერიკის ისტორიის ძირითადი მომენტები. კურსი აგებულია ქრონოლო­გიურ პრინციპზე: XV საუკუნიდან 1877 წლამდე. კურსი კონცენტრირებუ­ლია ისეთ თემებზე როგორიცაა: ამერიკული ღირებულებები, პოლიტიკური ინსტიტუტები და პრაქტიკა, ეკონომიკური სისტემები, სოციალური ურთიერ­თობები, საზოგადოება და პიროვნება, კულტურა, მეცნირება და ტექნოლო­გიები. კურსის ძირითადი მოთხოვნებია: დიკუსიებში აქტიური მონაწილეობა, პრეზენტაციების შესრულება, სტუდენტთა მიერ პირვე­ლადი და მეორადი წყაროების შესწავლა და მათზე დამოუკიდებელი უნარ-ჩვევების განვითარება.

AMS 5200 აშშ-ის კონსტიტუცია, სასამართლო სისტემა, სახელმწიფო წყობილება

კურსის მიზანია სტუდენტს შეასწავლოს ამერიკის შეერთებული შტატების სამართლის ისტორია, კონსტიტუციის შექმნის ისტორია, კონსტიტუციის პრეამბულა, ცვლილებები და დამატებები. ქვეყნის სახელმწიფოებრივი მოწყობა და სასამართლო მოწყობა.


AMS 5300 აშშ-ის ეკონომიკა
კურსის მიზანია, გააცნოს სტუდენტებს აშშ-ის ეკონომიკის თანამედროვე სტრუქტურა და დინამიკა, ეკონომიკური აზრის განვითარების ისტორია, მიკროეკონომიკისა და მაკროეკონომიკის პრინციპები; ასევე, გლობალური ვაჭრობის, როგორც ამერიკული ეკონომიკური სისტემის საფუძველის, კონცეფცია. ყურადღება დაეთმობა, ასევე, ისეთ საკითხებს, როგორიცაა: “დიდი დეპრესია” და აშშ-ის ეკონომიკის როლი განვითარებად და გარდამავალ საფეხურზე მყოფი ქვეყნებისათვის.

AMS 5400 გეოგრაფია, გეოპოლიტიკა და რეგიონული კვლევები
კურსის მიზანია, გააცნოს სტუდენტებს აშშ-ის, კანადისა და ევროპის გეოგრაფიის ფიზიკური, ჰუმანური, ეკონომ-გეოგრაფიული, პოლიტიკური გეოგრაფიის ასპექტები. კურსის დასრულების შემდეგ სტუდენტები მიიღებენ ღრმა ცოდნას ისეთ საკითხებზე, როგორიცაა: აშშ-ის, კანადის, ევროპისა და კავკასიის ტერიტორიები და საზღვრები, კლიმატი და კლიმატური ზონები, ბუნებრივი რესურსები, სოფლის მეურნეობა, სამრეწველო რეგიონები, სავაჭრო მარშრუტები, დემოგრაფია, მსოფლიო ეკონომიკური ორგანიზაციები და მათი როლი. გაეკვევიან თუ რა როლს თამაშობს კასპიისპირეთში ენერგეტიკული რესურსების არსებობა და მათი ტრანსპორტირების გზები პოლიტიკური პროცესების განვითარებაზე (ინტეგრაციულ და დეზინტეგრაციულ პროცესები). კურსის დასრულების შემდეგ სტუდენტები მიიღებენ ღრმა ცოდნას ისეთ საკითხებზე, როგორიცაა: კასპისპირეთის ენერგეტიკული რესურსების მოცულობა და მათი პოტენციური ადგილი საერთაშორისო ბაზრის მომარაგების საქმეში; პირველი და მეორე მსოფლიო ომების ენერგეტიკული ასპექტები ბაქოს და კავკასიის ნავთობის რაკურსში, აშშ-ის პოლიტიკა ახლო აღმოსავლეთში მეორე მსოფლიო ომის შემდეგ, ნავთობის კრიზისები და ნავთობის ექსპორტიორი ქვეყნების ორგანიზაცია - თანამედროვე როლი და პოტენციალი.


AMS 5500 კულტურა და ლიტერატურა აშშ-ში

კურსის მიზანია, გააცნოს სტუდენტებს თანამედროვე აშშ-ის ლიტერატურა და კულტურა. კურსი იწყება XIX საუკუნიდან და ძირითადი აქცენტი კეთდება XX საუკუნეზე. ყურადღება ეთმობა ისეთ საკითხებს, როგორიცაა: რას ნიშნავს ”ამერიკული” ლიტერატურა; რომელი სოციალური ასპექტები (როგორც საშინაო, ასევე, საგარეო) ახდენენ ზეგავლენას თანამედროვე ამერიკული ლიტერატურის ფორმირებაზე; რომელი ნაშრომები ხვდება კატეგორიაში: “ამერიკული ლიტერატურა”; რა მსგავსება და განსხვავებაა ამ ნაშრომებს შორის.

AMS 5600 აშშ-ის ისტორია 1877 წლიდან
კურსის მიზანია, გააცნოს სტუდენტებს ამერიკის ისტორიის ძირითადი მომენტები. Kკურსი აგებულია ქრონოლო­გიურ პრინციპზე: 1877 წლიდან თანამედროვეობამდე. Kკურსი კონცენტრი­რებუ­ლია ისეთ თემებზე როგორიცაა: ამერიკული ღირებულებები, პოლიტი­კური ინსტიტუტები და პრაქტიკა, ეკონომიკური სისტემები, სოციალური ურთიერ­თობები, საზოგადოება და პიროვნება, კულტურა, მეცნირება და ტექნოლო­გიები. Kკურსის ძირითადი მოთხოვნებია: დიკუსიებში აქტიური მონაწილეობა, პრეზენტაციების შესრულება, სტუდენტთა მიერ პირვე­ლადი და მეორადი წყაროების შესწავლა და მათზე დამოუკიდებელი უნარ-ჩვევების განვითარება.


AMS 5700 მასმედია აშშ-სა და ევროპაში
სასწავლო კურსი დაფუძნებულია ჟურნალისტური უნარ–ჩვევებისა და მისი მნიშვნელობის შესწავლაზე. კურსის მსვლელობისას სტუდენტები გაეცნობიან ტრადიციული ჟურნალისტიკის საფუძვლებს - დამახსიათებელს, როგორც ამერიკის შეერთებული შტატებისათვის, ასევე, ევროპის ქვეყნებში გავრცელებული პრინციპებისათვის. იქიდან გამომდინარე, რომ ჟურნალისტიკის საფუძველშივე დევს დემოკრატიულობისა და თავისუფლების პრინციპები, კურსის ძირითადი ნაწილი აგებულია მასმედიის როლზე, როგორც დემოკრატიაში, ასევე, სოციალურ სფეროში და ეთნიკურ საკითხებთან არსებული პრობლემებში.

კურსის დასრულებისას სტუდენტები შეიძენენ ღრმა ცოდნას იმის შესახებ, თუ რა როლს ასრულებს ჟურნალისტიკა საზოგადოებრივი ყოფის ნებისმიერი მიმართულების განვითარებასა და სრულყოფაში.


AMS 5800 აშშ-ის საგარეო პოლიტიკა
კურსის მიზანია სტუდენტს შეასწავლოს ამერიკის შეერთებული შტატების საგარეო პოლიტიკური კურსის ძირითადი მიმართულებები და პრიორიტეტები XX საუკენესა და XXI საუკუნის დასაწყისში; აშშ-ის ურთიერთობა ევროპას, აზიასა და ლათინური ამერიკის ქვეყნებთან.

AMS 5900 მოძრაობები სოციალური და სამოქალაქო უფლებებისათვის აშშ-ში
კურსის მიზანია გააცნოს სტუდენტებს საკითხი: თუ საზოგადოების რომელი სოციალური ჯგუფები გამოდიან პოლიტიკურ ასპარეზზე და იბრძვიან სამოქალაქო უფლებებისათვის აშშ-ში XX-XXI საუკენეებში; რა არის ამ მოძრაობების მიზეზები და შედეგები; რა გავლენას ახდენს ის აშშ-ის საშინაო პოლიტიკაზე.


AMS 6100 ქალი ამერიკულ პოლიტიკასა და კულტურაში
კურსის მიზანია გააცნოს სტუდენტებს ქალის როლი ამერიკის კულტურულ და პოლიტიკურ ცხოვრებაში. ყურადღება გამახვილებულია XX საუკუნეზე. განხილულია შემდეგი საკითხები: ფემინისტური მოძრაობის მოკლე ისტორია; ფემინისტური იდეების გავლენა ამერიკის პოლიტიკასა და კულტურაზე; ამერიკელი ქალების სტატუსი პოლიტიკაში; ქალი და არჩევნები; ქალები – გადაწყვეტილების მიმღებები; აშშ-ის რესპუბლიკური და დემოკრატიული ადმინისტრაციების პოლიტიკა ქალთა საკითხებში;
პირველი ქალბატონების როლი პოლიტიკურ ცხოვრებაში; ქალი ამერიკის კულტურაში – ლიტერატურაში, სახვით ხელოვნებაში, კინოსა და მუსიკაში;

კურსის დასრულების შემდეგ სტუდენტები მიიღებენ ცოდნას, რომელიც დაეხმარება მათ ამერიკის პოლიტიკისა და კულტურის უკეთ გაცნობასა და გააზრებაში, ამერიკელი ქალის ადგილისა და როლის განსაზღვრაში ქვეყნის ცხოვრების უმნიშვნელოვანეს სფეროებში; 
 

AMS 6200  აშშ მსოფლიო კონტექსტში;

AMS 6300  ადამიანისა და უმცირესობათა უფლებები აშშ-ში;

AMS 6400  ამერიკული დემოკრატია: იდეები, ინსტიტუტები;

AMS 6500  აშშ და ევროპა გლობალურ არენაზე;

MGMT 4170 სტრატეგიული მენეჯმენტი;

AMS 5100 საერთაშორისო ურთიერთობების თეორია;

 AMS 1110   სახელმწიფოსა და სამართლის ისტორია.