როგორ იმოქმედებდი, რომ საერთაშორისო პოლიტიკური კრიზისი მოგეგვარებინა? როგორ აწარმოებდი მოლაპარაკებებს, დაიცავდი საკუთარ პოზიციას და გაუმკლავდებოდი საინფორმაციო მანიპულაციას? შეძლებდი სტრატეგიული კომუნიკაციის გამოყენებით მოვლენების განვითარებაზე გავლენის მოხდენას?
საქართველოს უნივერსიტეტის სოციალურ მეცნიერებათა სკოლა უფროსკლასელებს სიმულაციურ თამაშში მონაწილეობის მისაღებად იწვევს. ეს არის პრაქტიკული გამოცდილება, რომელშიც საერთაშორისო პოლიტიკა, მედია და სტრატეგიული კომუნიკაცია ერთიანდება, ხოლო მონაწილეები რეალურ პოლიტიკურ და საინფორმაციო პროცესებთან მიახლოებულ გარემოში აღმოჩნდებიან.
თამაშის განმავლობაში თითოეული მონაწილე კონკრეტულ როლს მოირგებს, ჩაერთვება მოლაპარაკებებში, გააანალიზებს ვითარებას, მიიღებს გადაწყვეტილებებს და საკუთარი მოქმედებებით შეეცდება სასურველი შედეგის მიღწევას.
რას გააკეთებ თამაშის ფარგლებში?
ეს არ არის მხოლოდ ორდღიანი საგანმანათლებლო აქტივობა. სიმულაციური თამაში შეჯიბრების ფორმატსაც მოიცავს და საუკეთესო მონაწილეებს შესაძლებლობას აძლევს, ზაფხულში საერთო ფინალურ შეხვედრაში გააგრძელონ მონაწილეობა.
ხუთი ქალაქი - ხუთი დამოუკიდებელი გათამაშება
პროექტი საქართველოს მასშტაბით, ეტაპობრივად ხუთ ქალაქში ჩატარდება:
თითოეულ ქალაქში სიმულაციური თამაში დამოუკიდებლად გაიმართება და მასში შესაბამისი რეგიონის სკოლის მოსწავლეები მიიღებენ მონაწილეობას. ყოველი ქალაქის გათამაშების დასრულების შემდეგ გამოვლინდებიან გამარჯვებული მონაწილეები, რომლებიც ზაფხულში საერთო ფინალურ შეხვედრაში ჩაერთვებიან.
რას ნიშნავს ეს მონაწილეებისთვის?
პირველ ეტაპზე მონაწილეობას იღებ შენს ქალაქში დაგეგმილ სიმულაციურ თამაშში. თუ გამარჯვებულებს შორის მოხვდები, ზაფხულში სხვა ქალაქების საუკეთესო მონაწილეებს შეხვდები და საერთო ფინალურ გამოწვევაში ჩაერთვები.
ამრიგად, პროექტი ორ ეტაპს აერთიანებს: ადგილობრივ სიმულაციურ თამაშებს და ხუთი ქალაქის გამარჯვებულების საერთო საზაფხულო ფინალს.
პირველი სიმულაცვია - თბილისი
პროექტის პირველი სიმულაციური თამაში თბილისში გაიმართება.
თარიღი: 18–19 დეკემბერი
ადგილი: ქ. თბილისი, კოსტავას 77ა, საქართველოს უნივერსიტეტი
მომდევნო შეხვედრების თარიღები და ადგილები ქალაქების მიხედვით დამატებით გამოცხადდება.
ვის შეუძლია მონაწილეობა?
პროექტში მონაწილეობის მიღება შეუძლიათ X, XI და XII კლასის მოსწავლეებს.
მონაწილეობის მსურველმა უნდა: შეავსეთ სააპლიკაციო ფორმა - UGNext
განაცხადის მიღების ბოლო ვადაა 25 ნოემბერი.
