საქართველოს უნივერსიტეტის სამართლის სკოლა 2015 წლიდან გაერთიანებული ერების ორგანიზაციის ვაჭრობის და განვითარების კონფერენციის - UNCTAD-ის ინსტიტუტის წევრია. ინსტიტუტი აკადემიურ სფეროს მხარდასაჭერად 2004 წლის ივნისში შეიქმნა და დღეისთვის 131 უნივერსიტეტს და 64 ქვეყნის კვლევით ცენტრს აერთიანებს.

ინსტიტუტის მთავარი მიზანია განვითარებადი ქვეყნებს მტკიცებულებებზე დაფუძნებული პოლიტიკის შემუშავებების და მდგრადი განვითარების ხელშეწყობა. UNCTAD ამზადებს კვალიფიციურ, გადაწყვეტილების მიმღებ პირებს, რომელთაც თავისუფლად შეუძლიათ ეკონომიკური პოლიტიკის ჩამოყალიბება თავიანთ ქვეყანაში. ამ მიზნის მისაღწევად, ინსტიტური უზრუნველყოფს აკადემიური სფეროს ჩართულობას და გადაამზადებს აკადემიურს პერსონალს პოლიტიკის განვითარების საკითხების სწავლებაში.

მეტი ინფორმაციისთვის ეწვიეთ ვებ-გვერდს: https://vi.unctad.org/

საქართველოს უნივერსიტეტის სამართლის სკოლა 2015 წლიდან არის ამერიკის სავაჭრო პალატის - AmCham-ის წევრი. ამერიკის სავაჭრო პალატა საქართველში არის ყველაზე დიდი საერთაშორისო ბიზნეს ორგანიზაცია და აერთიანებს 200-ზე მეტ წევრ კომპანიას. AmCham დაფუძნდა 1998 წელს. მისი ძირითადი მიზანია ამერიკის და საქართველოს ბიზნესის თანამშრომლობის, მათ შორის მთავრობის და ბიზნესის კოორდინაციის ხელშეწყობა.

მეტი ინფორმაციისთვის ეწვიეთ ვებ-გვერდს: http://www.amcham.ge/

საქართველოს უნივერსიტეტის სამართლის სკოლა, მიმდინარე წლის ოქტომბერში, გახდა ადვოკატთა საერთაშორისო ასოციაციის (International Bar Association (IBA) წევრი. International Bar Association (IBA) სამართლის პრაქტიკოსთა, ადვოკატთა ასოციაციების და იურიდიული საზოგადოების პირველი საერთაშორისო გაერთიანებაა მსოფლიოში (მდებარეობს დიდ ბრიტანეთში), რომელიც 1947 წელს დაარსდა და რომლის მთავარი მიზანია გლობალურ სტაბილურობაში პრაქტიკოსი იურისტების წვლილის შეტანა, ეფექტური მართლმსაჯულების განხორციელებისა და გამოცდილების გაზიარების გზით. დღეს IBA აერთიანებს 80 000-მდე პრაქტიკოს პროფესიონალს სამართლის სფეროდან და 160-მდე ადვოკატთა ასოციაციას მსოფლიოს 170 ქვეყანაში. შედარებით ახალია IBA-ში საუნივერსიტეტო საზოგადოების შედინება და სამართლის სკოლების წევრობა. ამ კუთხით საქართველოს უნივერსიტეტის სამართლის სკოლა ერთ-ერთი მოწინავეა ჩვენს რეგიონში საქართველოს უნივერსიტეტის სამართლის სკოლის სტუდენტები ისარგებლებენ შეუზღუდავი წვდომით IBA-ის უნიკალურ აკადემიურ და პრაქტიკულ მასალებზე. ასევე, მათ წვდომა ექნებათ სხვადასხვა ტრენინგ-მოდულებზე, ჩართულები იქნებიან IBA-ს საერთაშორისო სტუდენტურ კონფერენციებში და შეეძლებათ დაფინანსების თუ თანადაფინანსების მოთხოვნა ასოციაციისგან.

მეტი ინფორმაციისთვის ეწვიეთ ვებ-გვერდს: https://www.ibanet.org/

საქართველოს უნივერსიტეტი გახდა ევროპული სამართლებრივი ინგლისურის მასწავლებელთა ასოციაციის (The European Legal English Teachers’ Association - EULETA) წევრი, რომელიც აერთიანებს სამართლებრივი ინგლისური ენის ექსპერტებს ევროპიდან და მის ფარგლებს გარეთ, რათა ხელი შეუწყოს სამართლებრივი ინგლისური ენის ეფექტური სწავლების მეთოდების დანერგვას, პრაქტიკული ცოდნისა და ინფორმაციის გაზიარებას საერთაშორისო მასშტაბით. საქართველოს უნივერსიტეტის სამართლის სკოლა მიზნად ისახავს, აქტიურად მიიღოს მონაწილეობა EULETA-ს მიერ ორგანიზებულ ღონისძიებებში, რომელიც ყოველწლიურად იმართება საფრანგეთში, პოლონეთსა და ხორვატიაში. მიღებული გამოცდილებების გათვალისწინებით კი კიდევ უფრო მეტად გააუმჯობესოს სწავლების მეთოდოლოგია, გარდა ამისა, გაამრავალფეროვნოს ბიბლიოთეკა საერთაშორისო სტანდარტების ლიტერატურით, პუბლიკაციებითა თუ ონლაინ რესურსებით.

მეტი ინფორმაციისთვის ეწვიეთ ვებ-გვერდს: https://euleta.org/