14 დეკემბერს თბილისში გამართულ სტარტაპ კონკურსზე Seed Forum 2016, რომელიც Seed Forum Georgia-სა და iHub თბილისის მიერ იყო ორგანიზებული, სტარტაპ საქართველოს გამარჯვებულმა 2-მა გუნდმა Pawwwn და Cnick-მა გამარჯვება მოიპოვეს.

კონკურსის მიზანია შეარჩიოს სტარტაპები, რომლებიც Seed Forum-ის ინვესტორთა საერთაშორისო ქსელთან წარდგებიან. კონკურსში მონაწილეობას იღებდნენ სტარტაპები სომხეთიდან და აზერბაიჯანიდანაც.

კონკურსში გამარჯვების შედეგად ინვესტორების წინაშე Pawwwn წარდგება ნიუ იორკში, ხოლო Cnick ოსლოში.

Pawwwn: არის პლატფორმა, რომელიც ტექნოლოგიის გამოყენებით ამარტივებს ურთიერთობას გირაოს ბროკერებსა და მომხმარებლებს შორის.

Cnick:ეს არის ჭკვიანი ბეჭედი, რომლის საშუალებით მომხმარებელს შეუძლია გადახდების განხორციელება.

ვულოცავთ მათ ამ გამარჯვებას და წარმატებებს ვუსურვებთ.