საქართველოს უნივერსიტეტის დასაქმების ხელშეწყობის ცენტრი აგრძელებს მიმდინარე სემესტრის ტრენინგების სერიას: „5 ნაბიჯი დასაქმებისკენ“.

30 ოქტომბერს, საქართველოს უნივერსიტეტის დასაქმების ხელშეწყობის ცენტრმა უმასპინძლა III ნაბიჯის ტრენინგს თემაზე: „პროფესიონალური სამოტივაციო წერილი“.

ღონისძიებაზე პასუხი გაეცა შემდეგ კითხვებს:

• რა მნიშვნელობა აქვს სამოტივაციო წერილს?
• რა უნდა გავითვალისწინოთ სამოტივაციო წერილის შედგენისას?
• რას გულისხმობს სწორად შედგენილი სამოტივაციო წერილი?

შეხვედრა დისკუსიის რეჟიმში გაიმართა.

ტრენინგს გაუძღვა ელიზავეტა სოლოღაშვილი, სოციალურ მეცნიერებათა სკოლის ლექტორი.

შეგახსენებთ,რომ ელიზავეტა სოლოღაშვილი გახლავთ Tempus Casede - სტუდენტთა კარიერული განვითარების პროექტის ექსპერტი. ამჟამად არის ტრენერი ადამიანური რესურსების მართვის მიმართულებით, ხოლო წარსულში იყო რამდენიმე წამყვანი კომპანიის ადამიანური რესურსების მართვის დეპარტამენტის უფროსი.