სიახლეები
დღეს საქართველოს უნივერსიტეტში, საქართველოში რუმინეთის ელჩმა, რაზვან როტუნდუმ, სტუდენტებთან და პროექტ UG ელჩების მონაწილეებთან შეხვედრა გამართა. საუბრის დასაწყისში ელჩმა საქართველოსა და რუმინეთის ორმხრივი ურთიერთობების ისტორიის შესახებ ისაუბრა, ხოლო შემდეგ შეხვედრა კითხვა-პასუხის რეჟიმში გაგრძელდა.
საერთაშორისო ურთიერთობებით დაინტერესებულმა ახალგაზრდებმა ბატონ ელჩს კითხვები შავი ზღვის რეგიონის თანამედროვე გამოწვევებისა და სხვა მიმდინარე აქტუალური საკითხების შესახებ დაუსვეს. გარდა ამისა, ბატონმა ელჩმა დამსწრეებს საკუთარი პროფესიული გამოცდილება და სამომავლო რჩევები გაუზიარა.
დისკუსიის შემდეგ, ბატონი რაზვან როტუნდუ საქართველოს უნივერსიტეტის რექტორს, კონსტანტინე თოფურიას შეხვდა და სამომავლო თანამშრომლობის პერსპექტივები განიხილეს.
