სამეცნიერო სტატია „ბეთლემის შობის ტაძრის უძველესი ქართული წარწერები და „ბეთლემები“ საქართველოში“

საქართველოს უნივერსიტეტის თამაზ ბერაძის სახელობის ქართველოლოგიის ინსტიტუტის მთავარი მეცნიერ-თანამშრომლის, ხელოვნებათმცოდნეობის დოქტორის, გიორგი გაგოშიძის სამეცნიერო სტატია საერთაშორისო სამეცნიერო კრებულში – Writing in the Church of the Nativity in Bethlehem: Inscriptions and Graffiti in a Multilingual and Multigraphic Perspective – გამოქვეყნდა.

გამოცემა 2026 წელს ბელგიურმა გამომცემლობამ Brepols-მა გამოსცა. კრებულის რედაქტორები ესტელ ინგრან-ვარენი და კლემან დიუსარი არიან. მასში წარმოდგენილია ბეთლემის შობის ტაძრის კედლებზე შემორჩენილი შუა საუკუნეების მრავალენოვანი წარწერებისა და გრაფიტების სამეცნიერო კვლევები.

ბეთლემის შობის ტაძარი მნიშვნელოვანი ისტორიული და რელიგიური ძეგლია, რომლის კედლებზეც სხვადასხვა ეპოქაში მომლოცველებმა და მნახველებმა წარწერები დატოვეს. ეს წარწერები ტაძრის ისტორიის, სხვადასხვა ხალხის კულტურული კავშირებისა და შუა საუკუნეებში მომლოცველობის ტრადიციის შესწავლის მნიშვნელოვან წყაროს წარმოადგენს.

კრებულში, ბერძნულ, არაბულ, სომხურ და სლავურ წარწერებთან ერთად, განხილულია ქართველი პილიგრიმების მიერ შესრულებული ქართული წარწერებიც.

გიორგი გაგოშიძის სტატია – „Ancient Georgian Inscriptions in the Church of the Nativity in Bethlehem and ‘Bethlehems’ in Georgia“ – ეძღვნება ბეთლემის შობის ტაძარში შემორჩენილ ძველ ქართულ წარწერებსა და საქართველოში არსებულ ისტორიულ ძეგლებს, რომლებსაც ბეთლემი ეწოდებათ.

გიორგი გაგოშიძის ნაშრომი საერთაშორისო სამეცნიერო გამოცემაში საქართველოს ისტორიული და კულტურული მემკვიდრეობის კვლევას წარმოადგენს. სტატია გამოქვეყნებულია კრებულის 225–239 გვერდებზე და აერთიანებს ორ მნიშვნელოვან საკითხს: ბეთლემის შობის ტაძარში დაცული ქართული ეპიგრაფიკული მემკვიდრეობის შესწავლასა და საქართველოში არსებული ბეთლემის სახელწოდების მქონე ისტორიული ძეგლების განხილვას.

ბეთლემის შობის ტაძარში შემორჩენილი ქართული წარწერები საქართველოსა და ქრისტიანული სამყაროს ისტორიული და კულტურული ურთიერთობების მნიშვნელოვანი ნაწილია. მათი შესწავლა საშუალებას იძლევა, უკეთ წარმოჩნდეს ქართველი მომლოცველების ისტორიული კვალი იერუსალიმსა და ბეთლემში, ასევე საქართველოს კულტურული კავშირები წმინდა მიწასთან.

კრებული Writing in the Church of the Nativity in Bethlehem: Inscriptions and Graffiti in a Multilingual and Multigraphic Perspective 2026 წელს გამომცემლობა Brepols-მა გამოსცა. გამოცემა აერთიანებს ბეთლემის შობის ტაძრის მრავალენოვანი და სხვადასხვა დამწერლობით შესრულებული წარწერების კვლევებს და წარმოადგენს სხვადასხვა ქვეყნის მკვლევართა სამეცნიერო ნაშრომებს.

სტატია იხილეთ კრებულის 225–239 გვერდებზე.