ცნობილი არქიტექტორი და პედაგოგი ოსამუ ოკამურა (Osamu Okamura) ვიზიტი საქართველოს უნივერსიტეტში

21 აპრილს, საქართველოს უნივერსიტეტს ეწვევა ცნობილი არქიტექტორი და პედაგოგი ოსამუ ოკამურა (Osamu Okamura), რომელიც მუშაობს ქალაქების სიცოცხლისუნარიანობისა და ურბანული სივრცეების ინტერპრეტაციის მიმართულებით.

ამჟამად არის Czech Centre Tbilisi-ის დირექტორი (2025-დან). სხვადასხვა წლებში იკავებდა მნიშვნელოვან აკადემიურ და პროფესიულ პოზიციებს, მათ შორის:

• ტოკიოს მეცნიერებისა და ტექნოლოგიის უნივერსიტეტის მოწვეული პროფესორი;
• ლიბერეცის ტექნიკური უნივერსიტეტის ხელოვნებისა და არქიტექტურის ფაკულტეტის დეკანი;
• პრაღის ურბანიზმისა და საჯარო სივრცეების განვითარების კომიტეტების წევრი და თავმჯდომარე;
• ასევე, იგი არის საერთაშორისო ფესტივალებისა და პროექტების კურატორი, არქიტექტურული ჟურნალ ERA21-ის ყოფილი მთავარი რედაქტორი და ევროპული არქიტექტურის პრესტიჟული პრემიის (Mies van der Rohe Award) ნომინატორი.

მისი წიგნი „City for Everyone: A Manual of Urbanism for Beginners“ დაჯილდოებულია საერთაშორისო არქიტექტურული პრემიებით.

სტუმრობის ფარგლებში, ისამუ ოკამურა ჩაატარებს საჯარო ლექციას დამსწრე საზოგადოებასთან და ასევე გაიმართება დისკუსია. 

დრო: 21 აპრილი, 12:00 საათი 

ადგილი: თბილისი, კოსტავას 77ა, საქართველოს უნივერსიტეტი, IV კორპუსი, 519 საკონფერენციო დარბაზი