პროგრამის აღწერა

საქართველოს უნივერსიტეტის საერთაშორისო ურთიერთობებისა და საერთაშორისო სტუდენტების სამსახური აცხადებს ინდივიდუალურ გაცვლით პროგრამას თურქეთში, ალტინბასის უნივერსიტეტში.

იხილეთ უნივერსიტეტის ვებ-გვერდი - https://altinbas.edu.tr/en/

პროგრამის ფარგლებში შერჩეული სტუდენტები ისწავლიან ალტინბასის უნივერსიტეტში 1 სემესტრის განმავლობაში (გაზაფხულის სემესტრი 2026-2027 აკადემიური წელი)

გაცვლითი პროგრამის ფარგლებში სტუდენტი მიმღებ უნივერსიტეტში არ იხდის სწავლის საფასურს, თუმცა საქართველოს უნივერსიტეტში ფარავს აღიარებული კრედიტების საფასურს.

გაცვლითი პროგრამა არ მოიცავს :

·        მგზავრობისა და ვიზის ხარჯებს;

·        საცხოვრებლისა თუ სხვა ყოველდღიურ ხარჯებს.

მაღალი აკადემიური მოსწრების შემთხვევაში საქართველოს უნივერსიტეტი სრულად დააფინანსებს საცხოვრებლის ხარჯებს.

*აპლიკაცია არ შეუძლიათ:

·        საბაკალავრო პროგრამის პირველი სემესტრის სტუდენტებს;

·        იმ სტუდენტებს, რომელთათვისაც 2026-27 აკადემიური წლის გაზაფხულის სემესტრი წარმოადგენს საბაკალავრო ან სამაგისტრო პროგრამის სწავლების ბოლო, დამამთავრებელ სემესტრს;

·        სტუდენტებს, რომლებსაც აპლიკაციის გამოგზავნის მომენტში არ აქვთ საქართველოს უნივერსიტეტში აქტიური სტუდენტის სტატუსი.

სასწავლო შემოთავაზება

ალტინბასის უნივერსიტეტის მიერ შეთავაზებული ინგლისურენოვანი საგნების ჩამონათვალი იხილეთ აქ: https://auects.altinbas.edu.tr/web/Ects/DegreePrograms?D=L

გაცვლითი სემესტრის დასრულების შემდგომ საგნების ჩათვლა მოხდება საქართველოს უნივერსიტეტის სისტემის მიხედვით, შესაბამისად საგნებს მიენიჭებათ საქართველოს უნივერსიტეტში შესაბამისი საგნისთვის მინიჭებული კრედიტების რაოდენობა. სტუდენტი მიმღებ უნივერსიტეტში არ იხდის სწავლის საფასურს, თუმცა საქართველოს უნივერსიტეტში ფარავს აღიარებული კრედიტების საფასურს.

 საცხოვრებელი

ალტინბასის უნივერსიტეტი სთავაზობს სტუდენტებს მათი სტუდენტური საერთო საცხოვრებლებით სარგებლობას. დეტალური ინფორმაცია საცხოვრებლის შესახებ იხილეთ აქ:

https://global.altinbas.edu.tr/?page_id=372

სტუდენტი თავისუფალია დამოუკიდებლად მოიძიოს მისთვის სასრუველი ნებისმიერი სხვა სახის საცხოვრებელი.

ენის მოთხოვნები

სტუდენტებს ეძლევათ საშუალება ისწავლონ ალტინბასის უნივერსიტეტში ინგლისურ ენაზე. სტუდენტმა უნდა წარმოადგინოს საერთაშორისოდ აღიარებული ენის დამადასტურებელი სერტიფიკატი იმ შემთხვევაში, თუ საქართველოს უნივერსიტეტში არ აქვს დასრულებული ინგლისურის B2/2 დონე.

სერტიფიკატის არ წარმოდგენის შემთხვევაში, სტუდენტის ინგლისური ენის ფლობის შესაფასებლად გამოიყენება მის მიერ საქართველოს უნივერსიტეტში გავლილი ინგლისური ენის საგნების საშუალო შეფასება

თუკი სტუდენტი არ ფლობს სერტიფიკატს და არ აქვს დასრულებული ინგლისური ენის შესაბამისი დონე, შესაძლებელია სტუდენტმა ენის ფლობა დაადასტუროს ინგლისური ტესტირების საფუძველზე. ტესტირების შესახებ ინფორმაციას სტუდენტები მიიღებენ MY UG-ს შეტყობინებების მეშვეობით.

წარმოსადგენი საბუთები

სტუდენტმა უნდა წარმოადგინოს შემდეგი საბუთები ინგლისურ ენაზე:

·        აპლიკაციის ფორმა - ჩამოსატვირთად გადადით ლინკზე - https://bit.ly/3Aa7K7w

·        სამოტივაციო წერილი

·        CV (Europass ფორმატი - https://europa.eu/europass/en/create-europass-cv )

·        მიმართვის წერილი შესაბამისი სკოლიდან (გთხოვთ, მიმართეთ შესაბამისი სკოლის ასისტენტს)

·        ინგლისური ენის B2 დონის დამადასტურებელი სერტიფიკატი - TOEFL, IELTS ან სხვა საერთაშორისოდ აღიარებული სერტიფიკატი (თუკი სტუდენტს დასრულებული აქვს B2/2 დონე საქართველოს უნივერსიტეტში ან წარმატებით გაივლის გაცვლითი პროგრამისთვის დანიშნულ ინგლისურის ტესტირებას, სერტიფიკატის წარმოდგენა არაა საჭირო)

·        პირადობის დამადასტურებელი მოწმობა/პასპორტი (ელ.ვერსია)

·        სტუდენტებმა, რომლებიც იმყოფებიან მაგისტრატურის პირველი კურსის პირველ სემესტრზე და საბაკალავრო საფეხური არ აქვთ დასრულებული საქართველოს უნივერსიტეტში, დამატებით უნდა წარმოადგინონ საბაკალავრო დონის ნიშნების ფურცელი ინგლისურ ენაზე.

სტუდენტებმა, რომლებიც იმყოფებიან მაგისტრატურის პირველი კურსის პირველ სემესტრზე და საბაკალავრო საფეხური არ აქვთ დასრულებული საქართველოს უნივერსიტეტში, დამატებით უნდა წარმოადგინონ საბაკალავრო დონის ნიშნების ფურცელი.

 აპლიკაცია

აპლიკანტების შერჩევა ხდება კონკურენციის საფუძველზე, მათ მიერ წარმოდგენილი საბუთების და მათი აკადემიური მოსწრების საფუძველზე.

აღნიშნული საბუთები სტუდენტმა უნდა გამოგზავნოს ელექტრონულად შემდეგ გვერდზე:

https://forms.gle/HWsaHGCmnMwGoyL36

სტუდენტების შეფასება მოხდება წარმოდგენილი საბუთების საფუძველზე მათი აკადემიური მოსწრების გათვალისწინებით. აკადემიური მოსწრების კომპონენტისთვის სტუდენტს არ სჭირდება დოკუმენტაციის წარმოდგენა (გარდა გამონაკლისი შემთხევებისა, როდესაც სტუდენტი იმყოფება სწავლების პირველ სემესტრზე, დეტალები იხილეთ წინა სექციაში)

სტუდენტების შერჩევა მოხდება კონკურენციის პრინციპით.

აპლიკაციების გამოგზავნა შესაძლებელია არაუგვიანეს 8 ნოემბრისა.

საკონტაქტო პირი

დამატებითი ინფორმაციისთვის მიმართეთ:

მარიამ რევაზიშვილი

m.revazishvili@ug.edu.ge

+995 598121513

+995 557747097