Erasmus+ პროგრამაში მონაწილეობა ჩემთვის გაცილებით მეტი აღმოჩნდა, ვიდრე მხოლოდ საზღვარგარეთ სწავლა. რომში, საპიენცას უნივერსიტეტში გატარებულმა გაზაფხულის სემესტრმა მომცა შესაძლებლობა, ვყოფილიყავი საერთაშორისო აკადემიური გარემოს ნაწილი, სადაც თითოეული დღე ახალ ცოდნას, საინტერესო ადამიანებსა და დაუვიწყარ გამოცდილებას უკავშირდებოდა.

ამ პერიოდის განმავლობაში გავიღრმავე ცოდნა ჩემი სპეციალობის მიმართულებით, ვიმუშავე განსხვავებულ აკადემიურ გარემოში და გავეცანი სწავლების ისეთ მიდგომებს, რომლებმაც პროფესიული განვითარების ახალი პერსპექტივები დამანახა. არანაკლებ მნიშვნელოვანი იყო სხვადასხვა ქვეყნის სტუდენტებთან ურთიერთობა. მათთან ერთად შევძელი არა მხოლოდ მათი კულტურის, ტრადიციებისა და ცხოვრების წესის გაცნობა, არამედ საქართველოს, ჩვენი კულტურისა და ღირებულებების გაცნობაც მათთვის, რაც ჩემთვის განსაკუთრებული სიამაყის მიზეზი იყო.

გაცვლითი პროგრამა ჩემთვის მუდმივი განვითარების პროცესი იყო. ვისწავლე ახალ გარემოსთან სწრაფად ადაპტირება, პასუხისმგებლობის აღება და გავხდი უფრო დამოუკიდებელი. ამან მნიშვნელოვნად შემიცვალა ხედვა როგორც განათლების, ისე საკუთარი შესაძლებლობების მიმართ და დამარწმუნა, რომ საერთაშორისო გარემოში მიღებული გამოცდილება პიროვნული და პროფესიული განვითარების საუკეთესო საშუალებაა.

ამასთანავე, შესაძლებლობა მომეცა თავისუფალ დროს მემოგზაურა იტალიისა და ევროპის სხვადასხვა ქალაქში, ახლოდან გამეცნო მათი კულტურა, ისტორია და ტრადიციები. თითოეული მოგზაურობა ახალი აღმოჩენა იყო, რომელმაც უფრო ფართოდ დამანახა მსოფლიოს მრავალფეროვნება და დამიტოვა დაუვიწყარი შთაბეჭდილებები.

განსაკუთრებული მადლობა მინდა გადავუხადო საქართველოს უნივერსიტეტსა და საპიენცას უნივერსიტეტს ამ შესაძლებლობისთვის, მხარდაჭერისა და ნდობისთვის. Erasmus+ პროგრამამ მომცა ცოდნა, მეგობრები, მოგონებები და გამოცდილება, რომლებიც მთელი ცხოვრების განმავლობაში ჩემთან დარჩება და ჩემი მომავალი განვითარების ერთ-ერთ მნიშვნელოვან საწყისად იქცევა.

ზოგიერთი მოგზაურობა მხოლოდ ახალ ქვეყანას გაცნობს, ზოგი კი საკუთარ თავსაც. გერმანიაში Erasmus+ პროგრამით გატარებული სემესტრი სწორედ ასეთი გამოცდილება აღმოჩნდა ჩემთვის: სავსე ახალი ადამიანებით, გამოწვევებით, აღმოჩენებითა და დაუვიწყარი მოგონებებით. ბილეფელდის უნივერსიტეტმა მომცა შესაძლებლობა მიმეღო საერთაშორისო გამოცდილება, გავცნობოდი განსხვავებულ კულტურასა და ევროპული სტანდარტებით აწყობილ საგანმანათლებლო გარემოს.

ამ 5 თვის განმავლობაში ყველა შესაძლებლობას ვიყენებდი, რომ ადგილობრივებისა თუ სხვა საერთაშორისო სტუნდებისთვის საქართველოს მცირე ნაწილი მაინც გამეცნო, აკადემიურ გარემოსა თუ მის გარეთ.

სემესტრის ბოლოს საქართველოში ვბრუნდები არა მხოლოდ ახალი ცოდნით, არამედ მოგონებებით, რომლებსაც სხვადასხვა ქვეყანაში მიმოფანტულ მეგობრებთან ვიზიარებ.

მჯერა, რომ ერასმუს+ პროგრამა საუკეთესო რამაა, რისი გამოცდაც სტუდენტს შეუძლია. ამ შესაძლებლობისთვის დიდი მადლობა საქართველოს უნივერსიტეტს, დღითი-დღე ვრწმუნდები საკუთარი არჩევანის სისწორეში.

თურქეთში Erasmus+-ის გაცვლით პროგრამაში მონაწილეობა ჩემი აკადემიური გზის ერთ-ერთი ყველაზე მომცემი და ტრანსფორმაციული გამოცდილება იყო. ეს ბევრად მეტი იყო, ვიდრე უბრალოდ საზღვარგარეთ სწავლა — ეს იყო შესაძლებლობა, გავზრდილიყავი აკადემიურად, პროფესიულად და პიროვნულად, და ამავდროულად, ახლებურად შემეხედა როგორც მედიცინისთვის, ისე ზოგადად ცხოვრებისთვის.

ყველას, ვინც Erasmus+-ში მონაწილეობაზე ფიქრობს, მთელი გულით ვურჩევდი, ხელიდან არ გაუშვას ეს შანსი. სხვა ქვეყანაში სწავლა გაიძულებს, გამოხვიდე კომფორტის ზონიდან, შეეგუო ახალ გარემოს და განავითარო თავდაჯერებულობა, გამძლეობა და დამოუკიდებლობა. მიუხედავად იმისა, რომ იყო მომენტები, რომლებმაც გამომცადა, თითოეული სირთულე, სწავლისა და განვითარების ახალ შესაძლებლობად იქცა.

როგორც მომავალი ექიმისთვის და მეწარმისთვის, ეს გამოცდილება ჩემთვის განსაკუთრებით ფასეული აღმოჩნდა. სამედიცინო ცოდნის გაფართოების გარდა, ამ პროგრამამ გამიძლიერა ისეთი უნარები, როგორიცაა უკეთესი კომუნიკაციის უნარი, პრობლემების გადაჭრა და მოქნილობა, ესაა ის  თვისებები, რომლებიც აუცილებელია ჯანდაცვაში, ლიდერობასა და ინოვაციებში.

გაცვლითი პროგრამის ერთ-ერთი ყველაზე დასამახსოვრებელი ასპექტი სხვადასხვა კულტურის ადამიანების გაცნობა, ხანგრძლივი მეგობრობის ჩამოყალიბება და ცხოვრების ახალი პერსპექტივიდან დანახვა იყო. ამ გამოცდილებამ ჩემი გზა ზუსტად ისევე გაამდიდრა, როგორც აკადემიურმა სწავლებამ.

ჩემი რჩევა Erasmus+-ის მომავალი მონაწილეებისთვის არის ის, რომ მაქსიმალურად გამოიყენონ თითოეული შესაძლებლობა. დაამყარეთ კავშირი სხვა Erasmus-ელ სტუდენტებთან, კურსდამთავრებულებთან და Erasmus-ის სტუდენტურ ქსელთან (ESN), იყავით ღია ახალი გამოცდილებისთვის და ნუ შეგეშინდებათ მოულოდნელობების. ზოგიერთი ყველაზე ღირებული გაკვეთილი სწორედ იმ მომენტებიდან მოდის, რომლებიც არასდროს დაგიგეგმავთ.

წარსულს რომ ვუყურებ, ყველა გადატანილი სირთულის მიუხედავად, უყოყმანოდ ავირჩევდი ამ ყველაფრის თავიდან გამოვლას. მიღებულმა გამოცდილებამ, მეგობრობამ და პიროვნულმა ზრდამ ყოველი ნაბიჯი გაამართლა. Erasmus+ უფრო მეტია, ვიდრე უბრალოდ გაცვლითი პროგრამა — ეს არის დაუვიწყარი თავგადასავალი, რომელიც აფართოებს თქვენს თვალსაწიერს, გეხმარებათ საკუთარი პოტენციალის აღმოჩენაში და გიტოვებთ გაკვეთილებს, რომლებიც მოგზაურობის დასრულებიდან დიდი ხნის შემდეგაც თქვენთან დარჩება.

იტალიაში, ტურინში, გაცვლით პროგრამაში მონაწილეობა ჩემთვის ერთ-ერთი ყველაზე მნიშვნელოვანი და დასამახსოვრებელი გამოცდილება გახდა. საზღვარგარეთ სწავლა ყოველთვის ჩემი მთავარი მიზანი იყო და უზომოდ მადლიერი ვარ, რომ ამის შესაძლებლობა მომეცა. განსაკუთრებით ვაფასებ, რომ საქართველოს უნივერსიტეტმა მაღალი აკადემიური მოსწრების საფუძველზე სემესტრის განმავლობაში დამიფინანსა საცხოვრებლის ხარჯები.

ევროპაში განათლების მიღება ნამდვილად გამორჩეული და შთამაგონებელი გამოცდილებაა. საერთაშორისო აკადემიურ გარემოში სწავლამ საშუალება მომცა გამეცნო სწავლების განსხვავებული მეთოდები, მესწავლა სხვადასხვა ქვეყნის სტუდენტებთან ერთად და მნიშვნელოვნად გამეფართოვებინა ჩემი ხედვა. იტალიაში ცხოვრებამ და სწავლამ როგორც პიროვნულად, ისე აკადემიურად განმავითარა — გავხდი უფრო დამოუკიდებელი, თავდაჯერებული და კომუნიკაბელური. ეს გამოცდილება მიბიძგებს მომავალშიც ვისწრაფო აკადემიური წარმატებისკენ და დარწმუნებული ვარ, რომ ის მნიშვნელოვან გავლენას მოახდენს ჩემს პირად და პროფესიულ განვითარებაზე. საქართველოს უნივერსიტეტი ნამდვილად ნიშნავს უსაზღვრო შესაძლებლობებს. 

ცხოვრების ერთ-ერთ ყველაზე საინტერესო ეტაპად გერმანიის ქალაქ ბილეფელდში გატარებული Erasmus+ პროგრამა გამახსენდება, რომლის განმავლობაშიც ყოველი დღე განსაკუთრებული და გამორჩეული იყო. პროგრამის მანძილზე ერთ სემესტრში, საკმაოდ ღირებული გამოცდილება დავაგროვე. ახალ გარემოცვაში ყოფნამ, საერთაშორისო სტუდენტების გაცნობამ, ახალმა ძლიერმა აკადემიურმა გარემომ და მოგზაურობამ სხვადასხვა ქალაქში თუ ქვეყანაში, გამააზრებინა ახალი პერსპექტივები ,დავინახე, თუ რამხელა ,უსაზღვრო შესაძლებლობები ,თავგადასავლები და სრულიად ახალი სამყარო გველოდეს წინ.

პროგრამის განმავლობაში , არა მარტო იცნობ ახალ საინტერესო ადამიანებს, არამედ გაქვს იმის შესაძლებლობა ,რომ საკუთარი თავის ახალსა და უფრო განვითარებულ ვერსიასაც გაეცნო. იძენ ახალ ცოდნას, უნარებს, საერთაშორისო მეგობრებს,პროფესიულ კავშირებს,ხდები მეტად უფრო დამოუკიდებელი და თავდაჯერებული .

მადლობას ვუხდი ჩემს ოჯახს, საქართველოს უნივერსიტეტსა და Bielefeld-ისუნივერსიტეტს, რომ მომცა შესაძლებლობა, აკადემიურად და პიროვნულად განვვითარებულიყავი.

Erasmus+ პროგრამაში მონაწილეობა და ერთი სემესტრის გატარება IP Beja-ში ჩემთვის ძალიან ღირებული და დაუვიწყარი გამოცდილება იყო. ამ პერიოდის განმავლობაში მივიღე გავიღრმავე აკადემიური ცოდნა, გავეცანი სწავლების განსხვავებულ მიდგომებს და შევიძინე მნიშვნელოვანი საერთაშორისო გამოცდილება.

გაცვლითი პროგრამის ფარგლებში მქონდა შესაძლებლობა გამეცნო სხვადასხვა ქვეყნის სტუდენტები, გამეზიარებინა მათთვის ჩემი კულტურა და მეც უკეთ გამეცნო მათი ტრადიციები. ახალ გარემოში ცხოვრება დამეხმარა დამოუკიდებლობის, კომუნიკაციისა და ადაპტაციის უნარების განვითარებაში.

განსაკუთრებულ მადლობას ვუხდი საქართველოს უნივერსიტეტსა და IP Beja-ს ამ შესაძლებლობისა და მუდმივი მხარდაჭერისთვის. ეს გამოცდილება ჩემთვის მნიშვნელოვანი ნაბიჯი იყო როგორც აკადემიური, ისე პიროვნული განვითარების გზაზე და ყოველთვის სასიამოვნო მოგონებად დარჩება.