ფსიქოლოგიის დეპარტამენტი აქტიურად მუშაობს პროფესიული განათლების გაღრმავებაზე და სტუდენტთა პრაქტიკული უნარების განვითარებაზე. აღნიშნული მიზნით, 2024 წლის ნოემბრიდა - 2025 წელის აპრილის ჩათვლით,  მენტალური ჯანმრთელობის ცენტრ „Medens Health Georgia“-სთან, მემორანდუმის საფუძველზე თანამშრომლობის ფარგლებში და ფსიქოლოგიური მომსახურებისა და ანალიტიკის ცენტრის „კონტაქტის“ ორგანიზებით განხორციელდა პროფესიული ტრენინგების ციკლი საქართველოს უნივერსიტეტის ფსიქოლოგიის დეპარტამენტის სტუდენტებისთვის. 

ტრენინგების მიზანი იყო ფსიქოლოგიის საბაკალავრო და სამაგისტრო საფეხურის სტუდენტებისთვის: 

• ფსიქოთერაპიულ მიდგომებზე დაფუძნებული პროფესიული კომპეტენციების განვითარება; 
• მენტალურ ჯანმრთელობაზე ზრუნვა და ფსიქოლოგიური კეთილდღეობის ხელშეწყობა; 
• პრაქტიკული უნარ-ჩვევების განვითარება რეალურ საკლინიკო გამოცდილებაზე დაყრდნობით. 

სატრენინგო პროგრამა მოიცავდა 10 სამუშაო საათს და ხორციელდებოდა მცირე ჯგუფური ფორმატით. მონაწილეებმა იმუშავეს სპეციალურად შემუშავებულ პრაქტიკულ მოდულებზე, რომლებშიც ინტეგრირებული იყო როგორც თეორიული, ისე სიმულაციური და ანალიტიკური კომპონენტები. 

ტრენინგის წარმატებით დასრულების შემდეგ მონაწილეებს გადაეცათ სერტიფიკატები, რომელიც მომზადებული იყო Medens Health Georgia-სა და „კონტაქტის“ ერთობლივი მხარდაჭერით. მსგავსი ტიპის აქტივობები განასახიერებს უნივერსიტეტის ერთ-ერთ მთავარ პრიორიტეტს — აკადემიური სწავლების შინაარსობრივი გაღრმავებისა და რეალურ პრაქტიკასთან ინტეგრაციის გზით.