13-17 მაისს, საქართველოს უნივერსიტეტის ჯანმრთელობის მეცნიერებების სკოლა, დაავადებათა კონტროლისა და საზოგადოებრივი ჯანმრთელობის ეროვნული ცენტრთან ერთად  (NCDC),  საზოგადოებრივი ჯანმრთელობის ევროპული კვირეულის ფარგლებში, სხვადასხვა ღონისძიებას გამართავს.

კვირეული 13 მაისს, თბილისის დროით 12:00 საათზე, ბრიუსელში იხსნება.  ლინკზე შეგიძლიათ იხილოთ კვირეულის გახსნის ცერემონიალის პირდაპირი ტრანსალცია. 
https://www.youtube.com/watch?v=B-Evo5aP254&fbclid=IwAR0DHuil7lop3acq9_N7ujWep_-XlVPXkG3BQnlttWDlRIyMf_PN2YI78yY

The European Public Health Association-ის მიერ ორგანიზებული  საზოგადოებრივი ჯანმრთელობის ევროპული კვირეული მიზნად ისახავს, ევროპის მასშტაბით ჯანმრთელობასთან დაკავშირებული საკითხების შესახებ ცნობიერების ამაღლებას, ჯანსაღი ცხოვრების პოპულარიზაციას და რეგიონალურ დონეზე ურთიერთობის გაღრმავებას.

იხილეთ საქართველოს უნივერსიტეტის  ღონისძიებების განრიგი:

13 მაისი

ფიზიკური აქტივობის დღე

საქართველოს უნივერსიტეტის სტუდენტები ლისის ტბის ტერიტორიაზე სხვადასხვა ტიპის ფიზიკურ აქტივობებს განახორციელებენ: სარეაბილიტაციო ვარჯიშები, კარატეს ხელოვნების დემონსტრაცია, მსვლელობა ტბის გარშემო და ა.შ

დრო: 16:00 სთ

ადგილმდებარეობა: ლისის ტბის მიმდებარე ტერიტორია

14 მაისი

საჯარო ლექცია:   "საზოგადოებრივი ჯანმრთელობის პრობლემა: მრავალინდიკატორული კლასტერული კვლევის (MICS) შედეგები"

საჯარო ლექციას გაუძღვება დაავადებათა კონტროლის ეროვნული ცენტრის არაგადამდებ დაავადებათა დეპარტამენტის ხელმძღვანელი ლელა სტურუა.

დრო: 11 სთ

ადგილი: საქართველოს უნივერსიტეტი, IV კორპუსი, საკონფერენციო დარბაზი #519

16 მაისი

შეხვედრა თემაზე „ჯანსაღი კვება და მისი მნიშვნელობა“ და საჯარო ლექცია: "ჯანსაღი კვების როლი"

შეხვედრის ფარგლებში, სტუდენტები უნივერსიტეტის კამპუსში წარადგენენ ჯანსაღ პროდუქტებს, ასევე მსურველებს ექნებათ შესაძლებლობა, გაიგონ საკუთარი მასის ინდექსი და მიიღონ ინფორმაცია ჯანსაღი კვების ძირითად ასპექტებს.

დრო: 14:00 სთ

ადგილი: საქართველოს უნივერსიტეტის კამპუსი, კოსტავას 77ა 

საჯარო ლექციას: "ჯანსაღი კვების როლი" გაუძღვება ქ-ნ ნესტან ბოსტონიღაშვილი, ექიმი-ენდოკრინოლოგი, საქართველოს უნივერსიტეტის პროფესორი.

დრო: 16:00 სთ

ადგილი: საქართველოს უნივერსიტეტი, IV კორპუსი, საკონფერენციო დარბაზი #519

შეგახსენებთ,რომ ღონისძიების მასპინძელია The European Public Health Association (EUPHA) - მულტიდისციპლინარული სამეცნიერო ორგანიზაცია, რომელიც საზოგადოებრივი ჯანდაცვის საკითხებში 19000 ექსპერტს აერთიანებს. EUPHA-ს მიზანია ევროპის ქვეყნებში ჯანმრთელობის გაუმჯობესება, რეგიონალური თანამშრომლობის დამყარება და საზოგადოებრივი ჯანდაცვისადმი მულტიდისციპლინარული მიდგომის დანერგვა.

EUPHA-ს ერთადერთი წევრი საქართველოდან, საქართველოს უნივერსიტეტია. ევროპულ პროფესიონალურ ასოციაციაში წარმომადგენლობა, როგორც ქვეყნისთვის, ასევე უნივერსიტეტისთვის მნიშვნელოვანია საერთაშორისო დონეზე თანამშრომლობის გაღრმავებისთვის და საერთო საზოგადოებრივი ჯანდაცვის ჩამოყალიბებისთვის.