საქართველოს უნივერსიტეტი სტუდენტებისთვის და სკოლის მოსწავლეებისთვის, მთელი ქვეყნის მასშტაბით, აცხადებს მორიგ ლიტერატურულ კონკურსს "ფოლიო 2023".

უნივერსიტეტი აგრძელებს ტრადიციას და მხარს უჭერს ახალგაზრდებში კრეატიული წერითი უნარ-ჩვევების განვითარებას. ლიტერატურული კონკურსის მიზანი წერის კულტურის ამაღლებაა.

წელს, საქართველოს უნივერსიტეტმა მთავარ თემად აარჩია: "თავისუფლება ისე არ მოდის" 

კონკურსის მონაწილეებმა უნდა გადმოაგზავნონ  პროზაული ნაწარმოები.

კონკურსის პირობები:

· კონკურსში მონაწილეობის მიღება შეუძლიათ ნებისმიერი უნივერსიტეტის სტუდენტებს და სკოლის მე-11/მე-12 კლასის მოსწავლეებს;

· ნაშრომი წარმოდგენილი უნდა იყოს ქართულ ან ინგლისურ ენაზე;

· ტექსტი უნდა იყოს A4 ფორმატში, Sylfaen 11- იანი შრიფტით, სტრიქონებს შორის დაშორება 1,5 და ტექსტის მოცულობა 1-დან 3 გვერდამდე;

· თავფურცელზე უნდა იყოს მითითებული კონკურსანტის მონაცემები: სახელი, გვარი, ასაკი, ტელეფონის ნომერი, სკოლის ან უნივერსიტეტის დასახელება, კურსი/კლასი და ელექტრონული ფოსტა.

შეფასების კრიტერიუმები:

ა) ორიგინალურობა

ბ) შემოქმედებითობა

გ) ლაკონიურობა

ნამუშევრების ატვირთვა შესაძლებელია 2023 წლის  29 აპრილიდან 10 მაისის ჩათვლით ბმულზე: https://ug.edu.ge/public/folio

გამარჯვებულს გადაეცემა ფულადი ჯილდო.  

პირველ ადგილზე გასული მონაწილე მიიღებს: 1500 ლარს 

მეორე ადგილზე გასული მონაწილე მიიღებს: 1000 ლარს

მესამე ადგილზე გასული მონაწილე მიიღებს: 500 ლარს 

კონკურსის მონაწილეებს გადაეცემათ სერთიფიკატები