28 სექტემბერს, საქართველოს უნივერსიტეტში საქართველოს განათლების, მეცნიერების, კულტურისა და სპორტის სამინისტროსთან და შოთა რუსთაველის ეროვნულ სამეცნიერო ფონდთან პარტნიორობით, გაიმართება საერთაშორისო კონფერენცია თემაზე: “IV ინდუსტრიული რევოლუცია და ბლოკჩეინი- eGovo/GovTech ბლოკჩეინის ეპოქაში“.

ღონისძიების ფარგლებში განხილული იქნება ბლოკჩეინის შესაძლებლობები საჯარო ადმინისტრირების და ელმმართველობის სფეროში.

აღნიშნული კონფერენცია ექვს ძირითად მიმართულებას მოიცავს:

• ინდუსტრია 4.0 და ციფრული ტრანსფორმაცია;
• ბლოკჩეინი და eGov/Govtech;
• ბლოკჩეინი და საჯარო ფინანსების მენეჯმენტი;
• ბლოკჩეინი და ენერგოსექტორი;
• ბლოკჩეინი და განათლების სფერო;
• ბლოკჩეინი და რეგულაციები.

კონფერენციაში მონაწილეობას მიიღებენ საჯარო სექტორის, ბიზნესისა და საუნივერსიტეტო სფეროს ხელმძღვანელები და ექსპერტები როგორც საქართველოდან, ასევე უცხოეთიდან.

დეტალური ინფორმაციისთვის ეწვიეთ კონფერენციის ვებ-გვერდს: https://www.blockchaingeorgia.org/

თარიღი: 28.09.2019

დრო: 10:00-18:00 სთ

ადგილი: საქართველოს უნივერსიტეტი, IV კორპუსი, საკონფერენციო დარბაზი #519