9-10 ოქტომბერს, საქართველოს უნივერსიტეტის საგამოძიებო მედიალაბის - IML-ის ორგანიზებით, რეგიონში პირველი, უპრეცედენტო ფესტივალი - Open Black Sea 2026 გაიმართება.
აღსანიშნავია, რომ ღონისძიება შავი ზღვის რეგიონის საგამოძიებო ჟურნალისტიკის წარმომადგენლებს უმასპინძლებს. შეკრების მთავარი მიზანი გარემოსდაცვითი ჟურნალისტიკის პოპულარიზაციაა. ორი დღის განმავლობაში საერთაშორისო ფესტივალი გააერთიანებს ჟურნალისტებს, რედაქტორებს, მკვლევრებსა და სტუდენტებს შავი ზღვის რეგიონის ექვსი ქვეყნიდან: საქართველო, უკრაინა, მოლდოვა, რუმინეთი, ბულგარეთი და თურქეთი.
ფესტივალის მთავარი თემაა: "From Crisis to Solutions — An Investigative Path to Survival and Renewal"
რა გელოდებათ Open Black Sea 2026-ზე?
აღსანიშნავია, რომ ფესტივალის ფარგლებში საქართველოს უნივერსიტეტის საგამოძიებო მედია ლაბი (IML) სტუდენტებსა და მოქმედ ჟურნალისტებს შავი ზღვის თემატიკაზე საგამოძიებო იდეების (პიჩების) კონკურსში მონაწილეობის მისაღებად იწვევს. იდეა უნდა უკავშირდებოდეს შავ ზღვას და ეფუძნებოდეს მკაფიო საგამოძიებო ჰიპოთეზას - საკითხს, რომლის გადამოწმებასაც ავტორი კონკრეტული წყაროებითა და მტკიცებულებებით გეგმავს.
სასურველი თემატური მიმართულებებია:
ჩამოთვლილი თემები სარეკომენდაციოა და არა სავალდებულო - შესაძლებელია სხვა ძლიერი საგამოძიებო იდეის წარმოდგენაც, თუ ის არსებითად უკავშირდება შავ ზღვას.
განაცხადის წარდგენა შეუძლიათ მოქმედ სტუდენტებს და ჟურნალისტებს, მათ შორის ფრილანსერებს.
წერილობითი პიჩი უნდა მომზადდეს ინგლისურ ენაზე, არ აღემატებოდეს 800 სიტყვას. პიჩი შემდეგ კითხვებს უნდა პასუხობდეს: რა არის პრობლემა→ რატომ უნდა გვაინტერესებდეს→ რის გამოკვლევას აპირებთ→ როგორ დაამტკიცებთ ფაქტებს→ რას მიიღებს აუდიტორია.
შემოსული განაცხადებიდან შეირჩევა 9 საუკეთესო იდეა. ფინალისტები მენტორებთან ერთად დახვეწენ პიჩებს და ფესტივალზე საერთაშორისო ჟიურის წინაშე წარადგენენ. გამოვლინდება სამი გამარჯვებული, რომლებიც მიიღებენ 2 000, 1 500 და 1 000 ლარის ჯილდოს და სარედაქციო მხარდაჭერას იდეების სრულფასოვან საგამოძიებო მასალებად ქცევისთვის.
განაცხადების მიღების ბოლო ვადა: 4 ოქტომბერი, მითითებულ ბმულზე: https://forms.gle/jVUsbkQKmGD6XGtG7
აღსანიშნავია, რომ ფესტივალის ფარგლებში ხელი მოეწერება დეკლარაციას შავი ზღვის აუზის ქვეყნების საგამოძიებო ჟურნალისტიკის ქსელის დაფუძნების შესახებ. ქსელის სამდივნო საქართველოს უნივერსიტეტში განთავსდება. ფესტივალი ღიაა ჟურნალისტებისთვის, რედაქტორებისთვის, ფრილანსერებისთვის, სტუდენტებისთვის, ლექტორებისთვის, ფაქტჩეკერებისთვის, OSINT-ისა და მონაცემთა სპეციალისტებისთვის, ასევე სამოქალაქო და საერთაშორისო ორგანიზაციების წარმომადგენლებისა და დიპლომატებისთვის.
ადგილი: საქართველოს უნივერსიტეტი, მ. კოსტავას ქ. 77ა, 519 საკონფერენციო დარბაზი
დრო: 9–10 ოქტომბერი 10:00 საათი
გთხოვთ გაითვალისწინოთ, რომ სამუშაო ენა არის ინგლისური.
ფესტივალში მონაწილეობის მისაღებად, გთხოვთ, გაიაროთ რეგისტრაცია მითითებულ ბმულზე 27 სექტემბრამდე: https://form.jotform.com/262451949842063
