საქართველოს უნივერსიტეტი გიწვევთ ქართული, გერმანული და საერთაშორისო სისხლის სამართლის ინსტიტუტის ფარგლებში მომზადებული ახალი კრებულის პრეზენტაციაზე, რომელშიც შესულია ქართველი და გერმანელი ავტორების მიერ მომზადებული ნაშრომები სხვადასხვა აქტუალურ საკითხზე:

• სამოხელეო დანაშაულები ქართულ სისხლის სამართალში და ევროკავშირის სამართლის პოტენციური გავლენები
• კორუფციასთან ბრძოლა უფლებამოსილების ბოროტად გამოყენების დასჯადობით?
• ქონების დაუფლება კორუფციული გარიგებით
• სისხლის სამართალი და პოლიტიკური პროტესტი
• წინასწარი პატიმრობა და უდანაშაულობის პრეზუმფცია
• პროკურორის დისკრეციული უფლებამოსილება ბრალის წარდგენისას და ა.შ.

ავტორები:

• პროფ. მარტინ ვასმერი (კიოლნის უნივერსიტეტი)
• ევა კილი (პროკურორი, ჰამბურგი)
• ჰანეს კლოპმაიერი (მოსამართლე, ესენ-შტეელე)
• პროფ. ფრანკ ციმერმანი (ფრაიბურგის უნივერსიტეტი)
• პროფ. ტილ ციმერმანი (დიუსელდორფის უნივერსიტეტი) ლასლო ბაკი (უნგრეთის კონკურენციის სააგენტოს ვიცე-პრეზიდენტი)
• პროფ. ირაკლი დვალიძე (თსუ)
• ბესიკ ქვარცხავა (რაიონული პროკურორი, საქართველოს პროკურატურა)
• პროფ. ბაჩანა ჯიშკარიანი (საქართველოს უნივერსიტეტი)

პროექტი საქართველოს უნივერსიტეტის სამართლის სკოლის და ფრიდრიხ ნაუმანის ფონდის სამხრეთ კავკასიაში წარმომადგენლობის მხარდაჭერით ტარდება.

დრო: 28 მაისი, ოთხშაბათი, 18:00 საათი

ადგილი: საქართველოს უნივერსიტეტი, კოსტავას 77ა, IV კორპუსი  აუდიტორია 519