1 მაისს საქართველოს უნივერსიტეტი, საქართველოს ეროვნულ მუზეუმთან თანამშრომლობის ფარგლებში წარმოადგენს უნივერსიტეტის არქეოლოგიური მუზეუმის განახლებულ ექსპოზიციას - „დმანისის კუთხე საქართველოს უნივერსიტეტში“, სადაც გამოფენილი იქნება დმანისელი ჰომინინებისა და განამარხებული პალეოფაუნის ნიმუშების ზუსტი ასლები.

ექსპოზიცია საშუალებას მისცემს უნივერსიტეტის სტუდენტებსა და დაინტერესებულ პირებს მიიღონ ცოდნა დმანისის პალეოლითური სადგომისა და ზოგადად, ადამიანის ევოლუციის შესახებ.

აღსანიშნავია, რომ ექსპოზიციის გახსნამდე საქართველოს უნივერსიტეტის საკონფერენციო დარბაზში პროფესორი დ. ლორთქიფანიძე გამართავს საჯარო ლექციას „უახლესი აღმოჩენები დმანისიდან“, რომლის დასრულების შემდეგ სტუდენტებს საშუალება მიეცემათ დაუსვან შეკითხვები მომხსენებელს თემასთან დაკავშირებულ აქტუალურ საკითხებზე. 

ლექცია:  საქართველოსუნივერსიტეტი, IV კორპ, V სართული, 519 დარბაზი, 16:00 სთ

გამოფენის გახსნა: 17:00 სთ