4 მაისს, საქართველოს უნივერსიტეტის ხელოვნებისა და ჰუმანიტარულ მეცნიერებათა სკოლა,  ოზურგეთში მდებარე გურიის რეგიონულ ოფისში, სემინარებს ჩაატარებს სწავლების G-PriEd-ული მოდელის გაცნობის მიზნით რეგიონში მცხოვრები პედაგოგებისთვის.

სემინარის მიზანია პედაგოგებისთვის სწავლების ინოვაციული მეთოდების გაზიარება, წიგნიერების განვითარების ხელშეწყობისათვის სწავლების ოპტიმალური მოდელით „პასუხისმგებლობის ნაბიჯ-ნაბიჯ გადაცემა“.

სემინარი შემდეგ საკითხებს მოიცავს:

• კითხვის უნარის მნიშვნელობა;
• სწავლების სამფაზიანი მოდელი;
• დიფერენცირებული სწავლება;
• სხვადასხვა ტიპის ტექტებზე  მუშაობის სტრატეგიები;
• კითხვის უნარის შეფასება და შეფასების ინსტრუმენტები.

სემინარში მონაწილეობა შეუძლიათ საბაზისო საფეხურის (VII კლასიდან და ზევით)  ქართული ენის, ისტორიისა და ასევე სხვა მიმართულების პედაგოგებს, ვისაც აღნიშნული მოდელის სემინარები აინტერესებთ.

სემინარს საქართველოს უნივერსიტეტის ხელოვნებისა და ჰუმანიტარულ მეცნიერებათა სკოლის პროფესიული განვითარების ცენტრის UG-PriEd-ის ტრენერ-კონსულტანტები გაუძღვებიან.  

სემინარზე დასასწრებად გაიარეთ რეგისტრაცია აღნიშნულ ბმულზე: https://bit.ly/2Zq5Puz

გთხოვთ გაითვალისწინეთ, მონაწილეთა რაოდენობა შეზღუდულია.

სემინარის ყველა მონაწილეს გადაეცემა სერტიფიკატი.

თარიღი: 04.05.2019

დრო: 12:00 სთ- 17:00 სთ

ადგილი: ოზურგეთი, ჭავჭავაძის ქ. N12