22 ივლისს, 18:00 საათზე, საქართველოს უნივერსიტეტის 519 აუდიტორიაში, UG Startup Factory-ს პრე აქსელერაციის პროგრამის დემო დღე გაიმართება.

UG Startup Factory სტუდენტებს პრაქტიკულ ცოდნაზე დაფუძნებულ, ინტენსიურ პრე-აქსელერაციის პროგრამას სთავაზობს, რომელიც მიზნად ისახავს ახალგაზრდებში ინოვაციური იდეების განვითარებას და სტარტაპ ეკოსისტემაში ინტეგრირებას.

წელს, როგორც ქართულენოვანი, ისე ინგლისურენოვან პროგრამაში მონაწილეობის სურვილი 400-მდე სტუდენტმა გამოთქვა. სამი ეტაპისგან შემდგარი შერჩევის პროცესის შედეგად, 12 საუკეთესო გუნდი შეირჩა, რომლებიც ფინალურ ეტაპზე ჟიურის წინაშე წარდგენიან და თავიანთ სტარტაპ იდეებს წარმოადგენენ. 

ჟიურის წევრები არიან: 

კონსტანტინე თოფურია;

ეკატერინე თოფურია; 

მაია ამაშუკელი;

სულხან სულხანიშილი;

ქეთევან ხუნწარია ( კომპანია Axel-ის საინვესტიციო საბჭოს წევრი).

ღონისძიების დასასრულს 5 გამარჯვებული გუნდი გამოვლინდება, რომლებიც მიიღებენ 10 000 ლარიან დაფინანსებას საქართველოს უნივერსიტეტის საინვესტიცო ფონდიდან. ასევე მიიღებენ სპეციალიურ საჩუქრებს სპონსორებისგან.