საქართველოს უნივერსიტეტში ტოლერანტობის საერთაშორისო დღის ფარგლებში, 11 ნოემბრიდან 15 ნოემბრის ჩათვლით, მორიგი ტოლერანტობის კვირეული გაიმართება, რომლის განმავლობაში უნივერსიტეტის კამპუსში ჩატარდება საინტერესო საჯარო ლექციები, რომელსაც ცნობილი ადამიანი წაიკითხავენ. სტუმართა სია მოიცავს მწერლებს, პოლიტიკოსებს, ფსიქოლოგებს და სხვა.

კვირეულის მანძილზე ყურადღება დაეთმობა შემდეგ აქტუალურ საკითხებს:

• ტოლერანტობა სხვისი შრომის მიმართ;  
• ტოლერანტობა შვილის მიმართ;
• ტოლერანტობა გარემოს მიმართ;
• ტოლერანტობა ფსიქიკური პრობლემების მქონე პირთა მიმართ.

დეტალურ თარიღებთან დაკავშირებით თვალი ადევნეთ ვებ-გვერდს.

დასწრება თავისუფალია!

შეგახსენებთ, რომ საქართველოს უნივერსიტეტმა ტოლერანტობის კვირეულის ტრადიციას 2014 წელს ჩაუყარა საფუძველი, ნიშნად ჰუმანური და ტოლერანტული ღირებულებების პოპულარიზაციისა. ტოლერანტობის კვირეულის სლოგანია - „ტოლერანტობა თავისუფლებაა“.