საქართველოს უნივერსიტეტის სტრატეგიული კომუნიკაციების სტუდენტის, ლილეკო ტორონჯაძის სტატია EUFactCheck-ის საერთაშორისო პლატფორმაზე გამოქვეყნდა. 

სტატია სახელწოდებით - „Health for Profit – Georgia’s Enduring Clickbait Ecosystem“ მომზადდა ფაქტების გადამოწმებისა და ვერიფიკაციის ტექნიკების საგნის ფარგლებში, ლექტორის, სოფო გელავას ხელმძღვანელობით. აღსანიშნავია, რომ eufactcheck.eu-ზე განთავსებულ მასალებს ევროპელი მკვლევარებით დაკომპლექტებული კომისია აფასებს და მასზე მხოლოდ საუკეთესო ნამუშევრები ქვეყნდება.

საქართველოს უნივერსიტეტის ჟურნალისტიკისა და სტრატეგიული კომუნიკაციების სტუდენტები უკვე მეხუთე წელია წარმატებით იღებენ მონაწილეობას EUFactCheck-ის პანევროპულ პროექტში, რომლის მთავარი მიზანი ევროპის ქვეყნებში დეზინფორმაციული შინაარსის გამოვლენა და მათ შემდგომში კვლევას წარმოადგენს. 

საერთაშორისო პროექტში მონაწილეობას იღებენ სტუდენტები მთელი ევროპის მასშტაბით ისეთი უნივერსიტეტებიდან, როგორებიცაა: Haaga Helia, Utrech Hogeschool, FH Wien, Dauphine University Paris და სხვ. 

იხილეთ ლილეკო ტორონჯაძის სტატია სრულად: https://bit.ly/44jNGSA