საქართველოს უნივერსიტეტის პროფესორისა და ქართულ-გერმანული საერთაშორისო სისხლის სამართლის ინსტიტუტის ხელმძღვანელის, ბაჩანა ჯიშკარიანის თანაავტორობით, ახალი საერთაშორისო პუბლიკაცია - "კორპორატიული სისხლის სამართალი და სისხლისსამართლებრივ ნორმებთან თავსებადობა", გამოიცემა.

საერთაშორისო პუბლიკაცია აერთიანებს ნაშრომებს 30 სხვადასხვა ქვეყნიდან და მკითხველს შესაბამის სამართლებრივ რეგულაციებზე უნიკალურ ცოდნას აძლევს. კრებულის სამეცნიერო რედაქტორი და გამომცემელია პროფ. დოქტ. კონსტანტინა პაპათანასიო (ლიხტენშტაინის უნივერსიტეტი).

აღნიშნული პროექტი საქართველოს უნივერსიტეტის სამართლის სკოლის ინტერნაციონალიზაციისკენ მიმართული კიდევ ერთი წინგადადგმული ნაბიჯია, რაც ახალი პროექტების განხორციელებასაც შეუწყობს ხელს მომავალში.