საქართველოს უნივერსიტეტსა და ჯორჯ ვაშინგტონის უნივერსიტეტს შორის თანამშრომლობა ახალ ეტაპზე გადავიდა, აღსანიშნავია, რომ 2025 წლის დეკემბერში ხელი მოეწერა ურთიერთთანამშრომლობის მემორანდუმს, რის საფუძველზეც, უკვე მეორედ, საქართველოს უნივერსიტეტს ოფიციალური ვიზიტით ეწვია ჯორჯ ვაშინგტონის უნივერსიტეტის დელეგაცია:
მხარეებმა დეტალურად განიხილეს ერთობლივი ორმაგი ხარისხის სამაგისტრო პროგრამის აკადემიური, ადმინისტრაციული და ორგანიზაციული საკითხები და განსაზღვრეს თანამშრომლობის შემდგომი ნაბიჯები. განსაკუთრებით მნიშვნელოვანია, რომ განათლების მიმართულებით მსგავსი ტიპის ორმაგი ხარისხის სამაგისტრო პროგრამა საქართველოში პირველად, სწორედ საქართველოს უნივერსიტეტში განხორციელდება. ეს იქნებამნიშვნელოვანი პრეცედენტი ქართული უმაღლესი განათლებისთვის და კიდევ ერთი ნაბიჯი საერთაშორისო აკადემიურ სივრცეში საქართველოს უნივერსიტეტის პოზიციების გაძლიერებისკენ.
სასწავლო პროგრამის ფარგლებში სტუდენტები სწავლის ერთ წელს საქართველოში, საქართველოს უნივერსიტეტში, ხოლო მეორე წელს აშშ-ში, ჯორჯ ვაშინგტონის უნივერსიტეტში გაატარებენ და პროგრამის წარმატებით დასრულების შემდეგ მიიღებენ ორ დიპლომს.
საქართველოს უნივერსიტეტისთვის ეს კიდევ ერთი წინ გადადგმული ნაბიჯია, განსაკუთრებით იმ კუთხით, რომ პირველია საგანმანათლებლო ბაზარზე რომელიც ასეთ შესაძლებლობას ქმნის, სტუდენტები გახდნენ ორი უნივერსიტეტის აკადემიური საზოგადოების ნაწილი.
