2022 წლის 27 იანვარს, ჰოლოკოსტის მსხვერპლთა ხსოვნის საერთაშორისო დღეს, საქართველოს უნივერსიტეტის ხელოვნებისა და ჰუმანიტარულ მეცნიერებათა სკოლის ისტორიის დეპარტამეტის მოწვევით ქალბატონმა სანდრა ელისაბედ რულოვსმა დისტანციურად, ონ-ლიან რეჟიმში ჩაატარა საჯარო ლექცია მიძღვნილი ანა ფრანკისადმი. ლექციის შემდეგ გაიმართა დისკუსია. სტუდენტებმა ისაუბრეს ჰოლოკოსტზე, ანა ფრანკზე და გამოთქვეს მოსაზრებები, თუ რა პასუხი უნდა გასცეს საზოგადოებამ ანტისემიზმის, რასიზმის, ქსენოფობიის, დისკრიმინაციისა და ძალადობის ნებისმიერ გამოვლინებას რომელსაც, სამწუხაროდ, დღესაც აქვს ადგილი და არ იყოს ყოველივე ამის მხოლოდ მოწმე და მაყურებელი. ლექციას ესწრებოდნენ ისტორიის საბაკალავრო პროგრამის სტუდენტები და პროფესორები.