საქართველოს უნივერსიტეტის სამართლის სკოლის სტუდენტმა, ლუკა ბუკიამ, წარმატებით დაასრულა სალონიკის უნივერსიტეტის საზაფხულო სკოლა.
საზაფხულო სკოლის თემა იყო: „ფინანსური დანაშაულის, კორუფციისა და ფულის გათეთრების სფეროში თანამედროვე ტენდენციები — ევროპული და საერთაშორისო პერსპექტივები“.
ლუკა სალონიკის უნივერსიტეტის საზაფხულო სკოლაში მონაწილეობის მისაღებად საქართველოს უნივერსიტეტის ქართული, გერმანული და საერთაშორისო სისხლის სამართლის ინსტიტუტის მიერ ორგანიზებულ კონკურსში გამარჯვების შედეგად შეირჩა.
საზაფხულო სკოლაში ლუკას მონაწილეობა საქართველოს უნივერსიტეტის სამართლის სკოლამ სრულად დააფინანსა.
ვულოცავთ ლუკას ამ მნიშვნელოვან საერთაშორისო გამოცდილებას და ვუსურვებთ კიდევ არაერთ წარმატებას პროფესიულ და აკადემიურ გზაზე!
