14 ნოემბერს, საქართველოს უნივერსიტეტმა, ტოლერანტობის კვირეულის ფარგლებში უმასპინძლა საჯარო ლექციას თემაზე: „ტოლერანტობა გარემოს მიმართ“.

ღონისძიების ფარგლებში განხილული იყო შემდეგი საკითხები:

• კონფლიქტი ადამიანსა და გარემოს შორის;
• გარემოს დაცვა;
• ღირებულებათა სისტემა- ესთეტიკა, თანაგრძნობა, საკუთრება.

შეხვედრა ინტერაქციულ რეჟიმში წარიმართა, აუდიტორიამ და სპიკერმა გაცვალეს შეხედულებები მდგრადი განვითარების შესახებ. ასევე, გაიმართა დისკუსია პრაქტიკული ნაბიჯების შესახებ, რომლებიც თანამედროვე ეკოლოგიურ მდგომარეობას გააუმჯობესებენ.

საჯარო ლექციას გაუძღვა ლევან ბუთხუზი, SEED Georgia-ს დირექტორი.

შეგახსენებთ, რომ საქართველოს უნივერსიტეტმა ჰუმანური ღირებულებების პოპულარიზაციის მიზნით, ტოლერანტობის კვირეულის ტრადიციას 2014 წელს ჩაუყარა საფუძველი.