საქართველოს უნივერსიტეტისა და შირაზის უნივერსიტეტის თანამშრომლობით, საქართველოს უნივერსიტეტის სტუდენტები,  ( მაგისტრები და ბაკალავრები ) 15 - 22 ოქტომბერს, ირანში, პერსეპოლისის სასახლის ინტერდისციპლინურ კვლევაში იღებდნენ მონაწილეობას. 

არსებული პროექტის ფარგლებში, რომელშიც, აგრეთვე ბოლონიის (იტალია) უნივერსიტეტია ჩართული, ქართველ სტუდენტებს საშუალება ჰქონდათ მონაწილეობა მიეღოთ ძეგლზე მუშაობის პროცესში. 

კვლევის ფარგლებში, აღმოაჩინეს პერსეპოლისის დღემდე უცნობი კარიბჭე, რომელსაც ანალოგი, მხოლოდ ბაბილონში, იშთარის ცნობილი კარიბჭის სახით გააჩნია.  

აღსანიშნავია, რომ თანამშრომლობის ფარგლებში საქართველოს უნივერსიტეტის სტუდენტთა კიდევ უფრო გაზრდილი ჯგუფი , პერსეპოლისში მიმდინარე პროექტის პარალელურად ჩაერთვება UNESCO -ს კულტურული მემკვიდრეობის კიდევ ერთი, ამჯერად უკვე, სასანური პერიოდის ქალაქის, შაჰრეგურის კვლევით პროექტშიც.