გამოცხადდა შესარჩევი კონკურსი სტუდენტებისთვის სისხლის სამართლის და ადამიანის უფლებების გაზაფხულის სკოლაში მონაწილეობის მისაღებად

პროექტი ტარდება ფრიდრიხ ნაუმანის ფონდისა და საქართველოს უნივერსიტეტის ქართული, გერმანული და საერთაშორისო სისხლის სამართლის ინსტიტუტის ორგანიზებით, 3-5 მარტს, თელავში, სასტუმრო ზუზუმბოში

სკოლის ხელმძღვანელი: პროფ. დოქტ. ბაჩანა ჯიშკარიანი, LL.M. (Munich).

სკოლის ფარგლებში ტრენინგებს ჩაატარებენ ქართველი და გერმანელი ექსპერტები.

სამუშაო ენა: გერმანულ-ქართული, თანმიმდევრული თარგმანი

პროექტში მონაწილეობის მიღება შეუძლიათ საქართველოში აკრედიტებული უმაღლესი სასწავლებლების სამართლის მიმართულების სტუდენტებს (ბაკალავრიატი: მინიმუმ ოთხ სემესტრ გავლილი, მაგისტრატურა: ნებისმიერი სემესტრი).

მონაწილეობა უფასოა და ყველა ხარჯი, მათ შორის, მგზავრობა ფინანსდება ფონდის მიერ

ონკურსში მონაწილეობის მისაღებად გამოაგზავნეთ დოკუმენტაცია ელ-ფოსტაზე: institute.criminallaw@gmail.com

• CV ფოტოსურათით (ქართულად ან ინგლისურად, PDF ფორმატში);
• განვლილი სემესტრების ნიშნების ფურცელი (შესაძლებელია ელ. ბაზიდან ამონაწერის დასკანერებული ვერსია ან სურათიც);
• სამოტივაციო წერილი, (ქართულად ან ინგლისურად, PDF ფორმატში).

საჭიროების შემთხვევაში, კონკურსანტებისთვის დამატებით დაინიშნება გასაუბრება. სხვა შემთხვევაში შერჩევა მოხდება წარმოდგენილი დოკუმენტაციის საფუძველზე.

საბუთები უნდა გამოიგზავნოს 2023 წლის 4 თებერვლის ჩათვლით.

სათაურის ველში მიუთითეთ "გაზაფხულის სკოლა 2023"

თანაბარი საკონკურსო მონაცემების შემთხვევაში, უპირატესობა მიენიჭება იმ სტუდენტებს, რომლებსაც ადრე არ მიუღიათ მონაწილეობა ჩვენი ინსტიტუტის მიერ განხორციელებულ მსგავს პროექტში.