ჩასქროლე

აღმოაჩინე მეტი

საქართველოს უნივერსიტეტი

ვაკანსია

სტაჟირების პროგრამა - საქართველოს კონკურენციის ეროვნულ სააგენტოში
3 March 2023

საქართველოს უნივერსიტეტის დამამთავრებელი კურსის სტუდენტებს, მაგისტრატურის სტუდენტებსა და კურსდამთავრებულებს აქვთ შესაძლებლობა განაცხადი გააკეთონ სტაჟირების პროგრამაზე საქართველოს კონკურენციის ეროვნულ სააგენტოში.

 

პროგრამის მიზანი: 

  • სტუდენტების პრაქტიკული, პროფესიული უნარ-ჩვევების განვითარების ხელშეწყობისთვის საჭირო შესაძლებლობის შექმნა;
  • პროფესიონალების ზედამხედველობით და გამოცდილების გაზიარებით პროფესიული ზრდის ხელშეწყობა;
  • კვალიფიციური კადრების მომზადების ხელშეწყობა; 
  • მომხმარებლის უფლებების დაცვის სფეროში საზოგადოების ცნობიერების ამაღლება.

 

ძირითადი მოთხოვნები:

  • უმაღლესი საგანმანათლებლო დაწესებულების სამართლის, ეკონომიკისა და ბიზნესის ადმინისტრირების, ბაკალავრიატის დამამთავრებელ კურსის, მაგისტრატურისა და დოქტორანტურის საფეხურის სტუდენტი.

 

სტაჟირების პროგრამის მიმდინარეობის დეტალური აღწერა:

ეტაპი 1

სტაჟირების პროგრამით დაინტერესებულმა პირებმა 2023 წლის 10 მარტის ჩათვლით უნდა წარმოადგინონ განაცხადი საქართველოს კონკურენციის ეროვნული სააგენტოს ელ. ფოსტაზე consumer@gnca.gov.ge , რომელიც უნდა შეიცავდეს:

  • სტუდენტის სახელი და გვარი;
  • პირადი ნომერი;
  • ცნობა უმაღლესი სასწავლებლიდან სტუდენტის სტატუსის შესახებ;

კონკურსში მონაწილეობისთვის, იურიდიული/სამართლის ფაკულტეტის სტუდენტებმა უნდა წარმოადგინონ მომხმარებლის უფლებების დაცვასთან დაკავშირებული ნებისმიერი საკითხის შესახებ სტატია, რომელიც უნდა აკმაყოფილებდეს შემდეგ მოთხოვნებს:

  • ნაშრომი უნდა იყოს ქართულ ენაზე;
  • ნაშრომი უნდა იყოს მინიმუმ 3 გვერდი და მაქსიმუმ 5 გვერდი, შრიფტი - უნიკოდი (Sylfaen), რომლის ზომა უნდა შეადგენდეს 11-ს, ხოლო სტრიქონებს შორის დაშორება 1.15-ს;
  • ფორმატი - ელექტრონული (MS Word ან PDF);
  • ნაშრომი უნდა იყოს ორიგინალური, არ უნდა იყოს უკვე გამოქვეყნებული;
  • ნაშრომი უნდა იყოს აქტუალური;
  • ნაშრომი მიზნად უნდა ისახავდეს დარგში არსებულ დისკუსიაში ჩართვას ან ახალი დისკუსიის წამოწყებას, მასში უნდა იყოს მოცემული მყარი არგუმენტები და დასაბუთებული მოსაზრებები;
  • ნაშრომი მნიშვნელოვანი უნდა იყოს სამართლის მეცნიერების განვითარებისთვის;
  • ნაშრომში კვლევის მეთოდოლოგიის არსებობის შემთხვევაში, იგი სრულად უნდა იყოს დაცული;
  • დაცული უნდა იყოს გამოყენებულ წყაროთა ციტირების სტილი (სტუდენტის არჩევანით) და მას უნდა ახლდეს ბიბლიოგრაფია. 

კონკურსში მონაწილეობის მიზნით, ეკონომიკისა და ბიზნესის ადმინისტრირების სტუდენტებმა უნდა მოიძიონ მონაცემები (data) მომხმარებლის უფლებების დაცვასთან დაკავშირებული ნებისმიერი საკითხის შესახებ, დაამუშავონ MS Excel ის საშუალებით,  გააკეთონ შედეგების ვიზუალიზაცია (დეშბორდი,ინფოგრაფიკა ა.შ.) და ინტერპრეტირება.

  • ნაშრომი უნდა იყოს ქართულ ენაზე;
  • ფორმატი - ელექტრონული (MS Excel, MS PowerPoint ან მონაცემთა ვიზუალიზაციის სხვა პროგრამა);
  • ნაშრომში მითითებული უნდა იყოს დასამუშავებელი მონაცემების წყარო;
  • ნაშრომში გამოყენებული მონაცემები უნდა იყოს ზუსტი;
  • მონაწილემ ეფექტიანად უნდა მოახდინოს მონაცემების დამუშავების შედეგად მიღებული ინფორმაციის ინტერპრეტირება. 

ეტაპი 2

ნაშრომები, რომლებიც ტექნიკურ მოთხოვნებს დააკმაყოფილებენ, შეფასდება კომპეტენტური პირების მიერ შექმნილი კომისიის მიერ (სააგენტოს თავმჯდომარე, თავმჯდომარის პირველი მოადგილე, მომხმარებლის უფლებების დაცვის დეპარტამენტის უფროსი, მომხმარებლის უფლებების დაცვის დეპარტამენტის უფროსის მოადგილე, იურიდიული დეპარტამენტის უფროსი, იურიდიული დეპარტამენტის უფროსის მოადგილე);

საუკეთესო ნაშრომების ავტორი სტუდენტები (2 სამართლის სპეციალიზაციის, 1 ბიზნესის ადმინისტრების/ეკონომიკის სპეციალიზაციის) სტაჟირებას გაივლიან საქართველოს კონკურენციის ეროვნული სააგენტოს მომხმარებლის უფლებების დაცვის დეპარტამენტში.

 

სტაჟიორთა რაოდენობა და ანაზღაურება 

  • სააგენტოში მისაღებ სტაჟიორთა რაოდენობა შეადგენს 3-ს;
  • 2 სამართლის სპეციალიზაციის სტუდენტი;
  • 1 ბიზნესის ადმინისტრების/ეკონომიკის სპეციალიზაციის სტუდენტი;
  • სტაჟირება არ არის ანაზღაურებადი.

 

სტაჟირების დაწყებისა და დასრულების თარიღი 

  • დასაწყისი: 2023 წლის 20 მარტი;
  • დასასრული: 2023 წლის 20 სექტემბერი.

 

დამატებითი ინფორმაცია:

  • ინფორმაცია სააგენტოს შესახებ იხილეთ აქ.

 

დამატებითი ინფორმაციისათვის გთხოვთ, მოგვმართოთ დასაქმების ხელშეწყობის სამსახურში. აქვე ხელმისაწვდომია პროფესიონალური კონსულტაცია იმისათვის, რომ წარმატებით წარდგეთ დამსაქმებლის წინაშე. საკონტაქტო ინფორმაცია: მისამართი: IV კორპუსი, ოთახი 507.  career@ug.edu.ge ტელ: 255-22-22.

 

SHARE ON







ჩვენი სოციალური ქსელი
UG
კონტაქტი
მისამართი: 77ა, მ. კოსტავას ქუჩა, თბილისი, 0171, საქართველო ტელ: 2 55 22 22; info@ug.edu.ge
სასარგებლო ბმულები
იყავი ინფორმირებული
იყავი მუდამ კავშირზე და მიიღე უახლესი ინფორმაცია
გაწევრიანდი
ყველა უფლება დაცულია © 2018, საქართველოს უნივერსიტეტი

იყავი ინფორმირებული
იყავი მუდამ კავშირზე და მიიღე უახლესი ინფორმაცია
გაწევრიანდი
ჩვენი სოციალური ქსელი
UG
კონტაქტი
მისამართი: 77ა, მ. კოსტავას ქუჩა, თბილისი, 0171, საქართველო ტელ: 2 55 22 22; info@ug.edu.ge
სასარგებლო ბმულები
ყველა უფლება დაცულია © 2018, საქართველოს უნივერსიტეტი