სერიის – „შუშანიკის წამება“ (ნაწილები: I1, I2, I3) – წიგნების პრეზენტაცია

24 აპრილს, 17:00 საათზე, თამაზ ბერაძის სახელობის ქართველოლოგიის ინსტიტუტი და საქართველოს უნივერსიტეტი გიწვევთ, პროექტის „ქართული ორიგინალური ჰაგიოგრაფია“ ფარგლებში, ახალი პუბლიკაციების პრეზენტაციაზე: 

• „წამებაჲ წმინდისა შუშანიკისი დედოფლისაჲ“ (უძველესი რედაქციის ტექსტი გამოსაცემად მოამზადეს და სამეცნიერო კრიტიკული აპარატი დაურთეს ნ. მრევლიშვილმა, ს. გულიაშვილმა და თ. ჯიქურაშვილმა) –  I1;
• „შუშანიკის წამების“ გვიანდელი რედაქციები  (ანტონ კათალიკოსისა და იოანე ბატონიშვილის მიერ გამეტაფრასებული ტექსტები, გამოსაცემად მოამზადეს, გამოკვლევა, ლექსიკონი და საძიებლები დაურთეს ნ. მრევლიშვილმა, თ. ჯიქურაშვილმა და რ. სტურუამ) – I2;
• „შუშანიკის წამება“ (წერილები) – I3 (ნაწილი I);
• „შუშანიკის წამება“ (წერილები) – I3 (ნაწილი II) - სამეცნიერო სივრცეში არებული კრიტიკული წერილები შუშანიკის წამების შესახებ.

ნაშრომები წარმოადგენს „შუშანიკის წამების“ ტექსტოლოგიური, რედაქციული და სამეცნიერო კვლევის შედეგს და მნიშვნელოვან წვლილს შეიტანს ქართველოლოგიური კვლევების განვითარებაში.

სამუშაო ჯგუფი და ავტორები: მანანა სანაძე, ნანა მრევლიშვილი, სოფიო გულიაშვილი, თინათინ ჯიქურაშვილი, ლალი ვაშაყმაძე, რატი სტურუა, ნინო ჩიხლაძე, ნანა ბურჭულაძე, ბეჟან ხორავა, ალექსანდრე ჭულუხაძე.

 ტექნიკური რედაქტორი: ნინო სუარიძე

 გამოცემებზე ასევე მუშაობდნენ: თინათინ ბერუაშვილი, მარიამ ალავერდაშვილი, ნათია ჯანგულაშვილი და გუგა ტაბატაძე

პრეზენტაციის ფარგლებში გაიმართება დისკუსია ნაშრომების სამეცნიერო ღირებულებისა და ქართული ჰაგიოგრაფიული მემკვიდრეობის კვლევის თანამედროვე ასპექტების შესახებ. 

დრო: 24 აპრილი, 17:00 საათი 

ადგილი: საქართველოს უნივერესიტეტი, კოსტავას 77ა, IV კორპუსი, 519 საკონფერენციო დარბაზი