UGSPN საჯარო დისკუსიაზე თემაზე - პრეზიდენტ ტრამპის საგარეო პოლიტიკა და მისი გავლენა სამხრეთ კავკასიაზე

საქართველოს უნივერსიტეტის უსაფრთხოების, პოლიტიკის და ნაციონალიზმის კვლევის ცენტრი (UGSPN) გიწვევთ საჯარო დისკუსიაზე თემაზე: „პრეზიდენტ ტრამპის საგარეო პოლიტიკა და მისი გავლენა სამხრეთ კავკასიაზე.“

დისკუსია ფოკუსირებული იქნება იმაზე, თუ როგორ ცვლის ტრამპის ადმინისტრაციის საგარეო პოლიტიკური პრიორიტეტები სამხრეთ კავკასიის პოლიტიკურ, უსაფრთხოების და ეკონომიკურ დინამიკას. განსაკუთრებული ყურადღება დაეთმობა რეგიონში შეერთებული შტატების მზარდ როლს, მათ შორის, ვაშინგტონის ჩართულობას სომხეთ-აზერბაიჯანის შორის ურთიერთობების ნორმალიზაციის პროცესში, „ტრამპის მარშრუტი საერთაშორისო მშვიდობისა და კეთილდღეობისათვის“ (TRIPP) სტრატეგიულ მნიშვნელობას და ამ პროცესების უფრო ფართო გავლენას საქართველოს სტრატეგიულ გარემოზე.

დისკუსიის ფარგლებში განხილული იქნება:

• პრეზიდენტ ტრამპის საგარეო პოლიტიკის ძირითადი პრინციპები, პრიორიტეტები და მათი მნიშვნელობა სამხრეთ კავკასიისთვის;
• შეერთებული შტატების მზარდი როლი რეგიონულ უსაფრთხოებაში, დაკავშირებადობასა და კონფლიქტების მოგვარებაში;
• საქართველოს წინაშე არსებული გამოწვევები და შესაძლებლობები, მათ შორის, უსაფრთხოების გარემოს, ევროატლანტიკური მისწრაფებების, სატრანზიტო პოტენციალის კონტექსტში.

დისკუსიაში მონაწილეობას მიიღებენ:

• გიორგი ლაბაძე – ქართულ-ამერიკული თავისუფლების ალიანსის დამუფძნებელი
• გიორგი ბადრიძე – GFSIS-ის უფროსი მკვლევარი
• მოდერატორი – შალვა ძებისაშვილი, საქართველოს უნივერსიტეტის პროფესორი

დრო: 8 ივლისი, 17:00 საათი 

ადგილი: თბილისი, კოსტავას 77ა, საქართველოს უნივერსიტეტი, IV კორპუსი, 519 საკონფერენციო დარბაზი