სიახლეები
საქართველოს უნივერსიტეტი ოფიციალურად გახდა ENHANCE-GSL პროექტის კოორდინატორი.
ENHANCE-GSL პროექტის მიზანია ხელი შეუწყოს საქართველოსა და სიერა ლეონეში უნივერსიტეტების როლის გაძლიერებას თემთან ჩართულობაში. ეს ინიციატივა მიზნად ისახავს შეიმუშაოს ადაპტირებადი და ეფექტური სტრატეგიები თემებთან მდგრადი ჩართულობისთვის.
როგორც პროექტის კოორდინატორი, საქართველოს უნივერსიტეტი, უხელმძღვანელებს საერთაშორისო პარტნიორების კონსორციუმს პროექტის მიზნების განხორციელებისას.
ხელს შეუწყობს ცოდნის გაზიარებასა და თანამშრომლობას უნივერსიტეტებს, ორგანიზაციებსა და ექსპერტებს შორის. განავითარებს და დაეხმარება შესაძლებლობების გაძლიერების პროცესს თემებთან ჩართულობის მდგრადი ინიციატივების განსახორციელებლად, ასევე უზრუნველყოფს სპეციალიზირებული ერთეულის შექმნას, რომელიც დაეხმარება უნივერსიტეტებს საკუთარ თემებთან გრძელვადიანი და შედეგზე ორიენტირებული პარტნიორობის ჩამოყალიბებასა და შენარჩუნებაში.
ENHANCE-GSL პროექტის მეშვეობით და პარტნიორების მხარდაჭერით საქართველოს უნივერსიტეტი აქტიურად განაგრძობს მუშაობს აკადემიურ სივრცესა და საზოგადოებას შორის კავშირის გაძლიერებაზე, რაც თავის მხრივ, უზრუნველყოფს უნივერსიტეტების აქტიურ მონაწილეობას საზოგადოების განვითარებაში.
