უნივერსტეტში ჩაბარების მომენტიდან, მიზნად დავისახე გაცვლით პროგრამაში მიმეღო მონაწილეობა. ჩემი შრომის შედეგად და საქართველოს უნივერსტეტის დამსახურებით, შევძელი მესამე კურსის დაწყება ბელგიის ულამაზეს ქალაქ ლევინში. 

ევროპაში გატარებულმა დრომ დაუვიწყარი, წარუშლელი და შეუცვლელი კვალი დატოვეს ჩემს გონებაში. აღსაღნიშნავია ბელგიელების თბილი დამოკიდებულებაც , რომელსაც ყოველდღიურად ვგრძნობდი. 

პროგრამის დასრულების შემდეგ საქართველოში ვბრუნდები ცოდნით, უამრავი ბედნიერი მოგონებებითა და მომენტებით, რომლებმაც ჩემი ცხოვრება  მეტად ფერადი,  ნათელი , ჰარმონიული, განვითარებული და დამოუკიდებელი გახადეს.

 იმ სტუდენტებს კი, რომელთაც სურთ საკუთარ ცხოვრებაში ახალი გამოწვევების მიღება, ცოდნის გაღრმავება, საერთაშორისო მეგობრების შეძენა, ევროპული სამართლის, ღირებულებების, კულტურის და ტრადიციების შეცნობა, ვფიქრობ არ უნდა დაკარგონ შანსი  იმ შესაძლებლობების გამოყენების, რომელსაც საქართველოს უნივერსიტეტი თითოეულ სტუდენტს სთავაზობს.(დაისახეთ მიზნები და ისინი თავად გიჩვენებენ გზას)

 დიდი მადლობა მინდა გადავუხადო საქართველოს უნივერსიტეტს, საერთაშორისო ურთიერთობების დეპარტამენტის გუნდს და ,,Erasmus+’’.

საქართველოს უნივერსიტეტის მიერ მოცემული შესაძლებლობა - მესწავლა Vytautas Magnus University-ში, ჩემთვის  პროფესიული და პიროვნული განვითარების მნიშვნელოვანი ეტაპი აღმოჩნდა.  5 თვიანი ლიეტუვური თავგადასავალი ძალიან საინტერესო იყო ევროპული ცხოვრების სტილის თუ სხვა სოციო-პოლიტიკური მახასიათებლების შესასწავლად.  უცხო ქვეყანაში დამოუკიდებლად ცხოვრება საკუთარ შესაძლებლობებში კიდევ ერთხელ დაგარწმუნებთ და იქ მიღებული გამოცდილებები თქვენთვის შეუცვლელი გახდება. 

ლატვიაში გატარებული დრო,კერძოდ ვიძემეს უნივერსიტეტში, ჩემთვის საკმაოდ დასამახსოვრებელი აღმოჩნდა. სწავლა მიწევდა ინგლისურენოვან ტურიზმის ფაკულტეტზე, რამაც თავი საერთაშორისო გარემოს წევრად მაგრძნობინა. ჰყავთ საკმაოდ განათლებული და მრავალფეროვანი პროფესორები, რაც საშუალებას მაძლევდა, მესწავლა არა მხოლოდ წიგნებიდან, არამედ თავად პროფესიონალებისგან. ერაზმუსმა მომცა საშუალება, გამეცნო და დავახლოვებოდი სხვადასხვა ქვეყნისა და კულტურის მქონე ადამიანებს, რაც ჩემი პროფესიისთვის საკმაოდ მნიშვნელოვანია. 

რაც შეეხება ვალმიერას,ის პატარა და მყუდრო ქალაქია, რომელიც არც თუ ისე კარგი ამინდით გამოირჩევა, თუმცა ზაფხული ნამდვილად მშვენიერი აქვს. ყოველი დღე სავსეა სიახლეებითა და შესაძლებლობებით. დაწყებული ჯგუფური სამუშაოებითა და დამთავრებული კლასგარეშე აქტივობებით, ჩემი დრო ვიძემეს უნივერსიტეტში საკმაოდ მრავალფეროვანი და დასამახსოვრებელი აღმოჩნდა. მადლიერი ვარ ამ შესაძლებლობით, რომელიც საქართველოს უნივერსიტეტმა მომცა და გიხდით დიდ მადლობას ამ  დაუვიწყარი გამოცდილების მიღებისათვის.

დიდი მადლობა მინდა გადავუხადო საქართველოს უნივერსიტეტს შესაძლებლობისთვის, მესწავლა,, Erasmus +" ის პროგრამით ლატვიის ქალაქ ვალმიერაში ვიძემეს გამოყენებით მეცნიერებათა უნივერსიტეტში. ჩემთვის, როგორც ტურიზმის ფაკულტეტის სტუდენტისთვის, საზღვარგარეთ გატარებული დრო საკმაოდ მნიშვნელოვანი, საინტერესო და დასამახსოვრებელი აღმოჩნდა, რადგანაც ყოველი დღე უამრავი სიახლითა და გამოწვევით სავსე იყო. 

მინდა ყურადღება გავამახვილო ევროპული სწავლების იმ მეთოდებზე, რომლის მეშვეობითაც შევიძინე ახალი უნარ-ჩვევები და გავიღრმავე ცოდნა ჩემს სამომავლო პროფესიულ სფეროში. გავიცანი და დავუმეგობრდი სხვადახვა ქვეყნის წარმომადგენლებს, გავეცანი მათ კულტურას, შევიძინე ინტერპერსონალური კომუნიკაციის უნარები. სწორედ ამიტომ, ყველა სტუდენტს ვურჩევ მიიღოს მონაწილეობა გაცვლით პროგრამაში და გამოიყენოს სხვადასხვა შესაძლებლობა პიროვნული თუ პროფესიული განვითარებისთვის.  

“რა მაგარია, რომ შემეშინდა, მაგრამ გავაკეთე. ასე დავასათაურებდი ჩემს მოგზაურობას. ბელგიაში გატარებული 5 თვის შემდეგ ჩემი ცხოვრება 2 ნაწილად იყოფა, გაცვლით პროგრამამდე და მის შემდეგ. 

აკადემიური ცოდნის მიღება, რა თქმა უნდა, ძალიან მნიშვნელოვანია, მაგრამ, მჯერა, მსგავსი ერასმუსის პროგრამები ახალგაზრდების ცხოვრებაში ბევრად უფრო მნიშვნელოვან ცვლილებებს ახდენს. 

ყველაფრის საზღვრებს გარეთ დანახვა, პირდაპირი და გადატანითი მნიშვნელობით და საკუთარ შესაძლებლობებში დარწმუნება ერთ-ერთია, რასაც სტუდენტი აქედან იღებს და მიიღებს, თუ გვერდში ისეთი მეგობარი ეყოლება, როგორიც "საქართველოს უნივერსიტეტია". 

ცხოვრების ერთ-ერთ ყველაზე მნიშვნელოვან და ნაყოფიერ პერიოდად, სწორედ ის დრო აღიქმება ჩემთვის, როდესაც მივიღე შესაძლებლობა ,,Erasmus +’’ პროგრამით გავმგზავრებულიყავი რუმინეთში, ქალაქ იასში და მესწავლა ქვეყნის ყველაზე ძველ, ამავდროულად ერთ-ერთ საუკეთსო უნივერსიტეტში. (Alexandru Ioan Cuza University) 

ჩემი მოლოდინები რეალობად იქცა და გადააჭარბა კიდეც. ამ დროის განმავლობაში, შევიძინე არაერთი საერთაშორისო მეგობარი. მივიღე დაუვიწყარი მოგონებები. რასაც, რა თქმა უნდა, თან ახლდა დაბრკოლებებიც, რაც კომფორტის ზონიდან გამოსვლით აიხსნება, თუმცა ეს ყოველივე პიროვნული ზრდისთვის და განვითარებისთვის უნიკალური შესაძლებლობაა. 

სასწავლო გარემო, ერთ-ერთი გამორჩეული პლუსი აღმოჩნდა ჩემთვის. ძალიან საინტერესო და გამოცდილ ლექტორებს, რომლებსაც თან ახლდათ შესანიშნავი სტუდენტები, ქმინდა განსხვავებულ, თუმცა ძალიან ნაყოფიერ პროცეს, რამაც მომცა საშუალება პროფესიულად მნიშვნელოვნად გავზრდილიყავი.

საბოლოოდ, მსურს გადავუხადო მადლობა საქართველოს უნივერსიტეტს ამ შესაძლებლობის მოცემისთვის და ვურჩიო ყველა სტუდენტს აუცილებლად გამოიყენონ ეს უნიკალური შანსი.