ფიზიკის ინტიტუტი

    საქართველოს უნივერსიტეტის მისიაა ცოდნის წარმოება და პიროვნების განათლება, ადამიანში ლიბერალურ - ჰუმანური ღირებულებების გაღვივება, პატიოსანი შრომით წარმატების მისაღწევად მისი აღჭურვა საჭირო ცოდნითა და უნარებით. საქართველოს უნივერსიტეტის ვლადიმერ სანაძის სახელობის ფიზიკის ინსტიტუტის მიზანია გააძლიეროს უნივერსიტეტის კვლევითი პოტენციალი, ხელი შეუწყოს მეცნიერებაზე დაფუძნებული სწავლებას და თავისი საქმიანობით აამაღლოს უნივერსიტეტის ცნობადობა და მისი რეიტინგი საერთაშორისო სასწავლო-სამეცნიერო წრეებში.

      ინსტიტუტი არის უნივერსიტეტის სტრუქტურული ერთეული და ახორციელებს სამეცნიერო-კვლევით საქმიანობას და თავისი კომპეტენციის ფარგლებში მონაწილეობს სასწავლო პროცესში.

    ფიზიკის ინსტიტუტის მიზანია უნივერსიტეტის ფარგლებში ხელი შეუწყოს სამეცნიეროკვლევით და სასწავლო პროცესების ეფექტურად წარმართვას, საერთაშორისო სტანდარტების დანერგვასა და სამეცნიერო კადრების მომზადებას ფიზიკაში. ინსტიტუტის დანიშნულებაა დასახელებული მიმართულებით ფუნდამენტური, გამოყენებითი, ტექნოლოგიური კვლევების, საკონსულტაციო, საექსპერტო საქმიანობის განხორციელება, სამეცნიერო თანამშრომლობის განვითარება ეროვნულ და საერთაშორისო დონეზე.