ტრენინგი: „როგორ დავძლიოთ საჯაროდ გამოსვლის შიში“
სტუდენტურ საქმეთა ცენტრის ორგანიზებით, საქართველოს უნივერსიტეტის სტუდენტებისთვის ჩატარდა პრაქტიკული ტრენინგი თემაზე — „როგორ დავძლიოთ საჯაროდ გამოსვლის შიში“, რომელსაც მოწვეული სპიკერი გიორგი კალატოზიშვილი უძღვებოდა.
შეხვედრა არ ყოფილა მხოლოდ თეორიული ლექცია — ღონისძიება დატვირთული იყო ინტერაქციული ვორქშოფებითა და პრაქტიკული სავარჯიშოებით, სადაც მონაწილეებს შანსი ჰქონდათ, ადგილზევე გამოეცადათ ეფექტური პრეზენტაციისა და სცენური ღელვის დაძლევის ტექნიკები. გიორგი კალატოზიშვილმა სტუდენტებს გაუზიარა კონკრეტული ინსტრუმენტები, თუ როგორ მართონ აუდიტორიის ყურადღება, შეინარჩუნონ თვითდაჯერებულობა და აქციონ საჯარო გამოსვლა წარმატებულ კომუნიკაციად.
ღონისძიების ჩატარების თარიღი: 28 ნოემბერი.
ადგილი: საქართველოს უნივერსიტეტი.
