ერთიანი ეროვნული გამოცდების შედეგების საფუძველზე, აკადემიური უმაღლესი განათლების პირველ საფეხურზე (საბაკალავრო პროგრამებზე) სტუდენტთა ჩარიცხვის მიზნით ადმინისტრაციული რეგისტრაცია განხორციელდეს ორ ეტაპად:

· პირველი ეტაპი - ელექტრონული რეგისტრაცია - 1 სექტემბრიდან 10 სექტემბრის ჩათვლით;

· მეორე ეტაპი - კონტრაქტის გაფორმება და დედნების წარმოდგენა - 10 სექტემბრიდან 17 სექტემბრის ჩათვლით.

პირველ ეტაპზე, ადმინისტრაციული რეგისტრაციის გასავლელად, 1 სექტემბრიდან 10 სექტემბრის ჩათვლით, სტუდენტი ვალდებულია ატვირთოს შემდეგი დოკუმენტები: (დოკუმენტების ატვირთვა მოხდება ლინკზე, რომელიც განთავსდება საიტზე რეგისტრაციის პროცესის დაწყებამდე)

· პირადობის დამადასტურებელი დოკუმენტის ასლი (JPG ფორმატში);

· ატესტატი ან ატესტატის ნოტარიულად დამოწმებული ასლი (JPG ფორმატში);

· სამხედრო აღრიცხვაზე ყოფნის დამადასტურებელი დოკუმენტის ასლი (ვაჟებისშემთხვევაში) (JPG ფორმატში);

· თუ სტუდენტი არ არის სრულწლოვანი, მინდობილობა ან დაბადების მოწმობა;

· სწავლის საფასურის მეათედი ნაწილის გადახდის დამადასტურებელი დოკუმენტის ასლი. დაფინანსების შემთხვევაში - დაფინანსების შესახებ ოიციალური წერილის ასლი ან ცნობა;

· ფოტოსურათი (3X4) ან ლინკზე განთავსებული კამერით გადაღებული ფოტო.

მეორე ეტაპზე, ადინისტრაციული რეგისტრაციის გასავლელად, 10 სექტემბრიდან 17 სექტემბრის ჩათვლით, სტუდენტი ვალდებულია წარმოადგინოს:

· პირადობის ან პასპორტის დამადასტურებელი დოკუმენტის დედანი;

· სკოლის ატესტატის დედანი ან ნოტარიულად დამოწმებული ასლი;

· სამხედრო აღრიცხვაზე ყოფნის დამადასტურებელი დოკუმენტის დედანი (ვაჟების შემთხვევაში);

· წარმომადგენლის ან მინდობილი პირის შემთხვევაში წარმოადგენლობის დამადასტურებელი დოკუმენტი ან დაბადების მოწმობა.

· გააფორმოს ხელშეკრულება.

2. ადმინისტრაციული რეგისტრაციის მეორე ეტაპი განხორციელდეს, ყოველდღე, შაბათ-კვირის გარდა, 10:00 საათიდან 18:00 საათამდე შემდეგ მისამართზე: კოსტავას ქ. 77, მეოთხე სასწავლო კორპუსი, საუნივერსიტეტო სერვისების სამსახური.

საორიენტაციო დღეების განმავლობაში სტუდენტი ეცნობა მისთვის აუცილებელ ინფორმაციას უნივერსიტეტის, პროცედურების და სხვა მნიშვნელოვანი დეტალების შესახებ. პირველკურსელებს უტარდებათ გაცნობითი პრეზენტაცია და კამპუსის ტური, რითაც საშუალება ეძლევათ, სწრაფად შეეგუონ საუნივერსიტეტო ცხოვრებას

ფორმა 26 არის ცნობა, რომლის წარდგენა ხდება შესაბამის სამხედრო განყოფილებაში და რომელიც ადასტურებს, რომ წარმდგენი არის ჩვენი უნივერსიტეტის მიმდინარე აქტიური სტატუსის მქონე სტუდენტი.

ფორმა 26-ის აღება შესაძლებელია საქართველოს უნივერსიტეტის მე-4 კორპუსის (მთავარი შენობა: კოსტავას 77ა) პირველ სართულზე, კანცელარიაში.

მაგისტრანტობის კანდიდატი, რომელმაც მოიპოვა საქართველოს უნივერსიტეტში სწავლის უფლება, ადმინისტრაციულ რეგისტრაციას გაივლის ჩარიცხულთა სიის მიღების შემდეგ, სასწავლო პროცესი იწყება 22 სექტემბერს. 

დამატებით ინფორმაციისთვის იხილეთ ბმული: https://ug.edu.ge/ge/programs/2

სწავლის საფასურის გადახდა სტუდენტს შეუძლია თიბისი ბანკსა და ბაზისბანკში პირადობის დამადასტურებელი მოწმობით.

სტუდენტებს შესაძლებლობა აქვთ, სწავლის საფასური გადაიხადონ 10 ნაწილად.

იმ შემთხვევაში,  თუ სტუდენტი დროულად არ გადაიხდის სწავლის საფასურს, უნივერსიტეტი, დებულებიდანგამომდინარე ვალდებულია სტუდენტს შეუჩეროს სტუდენტის სტატუსი.

ყველა სტუდენტს წინასწარ მისდის ინვიდუალური  შეტყობინებები თავის პირად გვერდზე MyUG პორტალზესწავლის საფასურის გადახდის ვადებთან დაკავშირებით. სტუდენტი ვალდებულია გაეცნოს ადმინისტრაციისსახელით მიღებულ შეტყობინებებს.

ბაკალავრებისთვის სწავლა 22 სექტემბერს იწყება.

სამაგისტრო საფეხურის სტუდენტებისთვის სწავლა, 2025 წლიას, შემოდგომის სემესტრში 22 სექტემბერს იწყება 

პირველი კურსის პირველი სემესტრის ცხრილს ადგენს უნივერსიტეტი, ხოლო ენაში დღეებს ირჩევს სტუდენტი. ამის შემდგომ (მეორე სემესტრში) სტუდენტს აქვს შესაძლებლობა, თავად გაიაროს რეგისტრაცია , აირჩიოს საგნები და შეადგინოს სასწავლო ცხრილი.

ბაკალავრის ხარისხის მოსაპოვებლად და დიპლომის ასაღებად საჭიროა 240 კრედიტის დაგროვება.

საბაკალავრო სწავლების სტუდენტისათვის აკადემიური რეგისტრაცია გულისხმობს სასწავლო კომპონენტების არჩევას სემესტრის განმავლობაში არანაკლებ 30 კრედიტისა, (გარდა დამამთავრებელი სემესტრის სტუდენტებისა და იმ შემთხვევისა როდესაც წინაპირობები არ იძლევა მეტ კრედიტზე დარეგისტრირების საშუალებას).

წელიწადში სტუდენტს შეუძლია აიღოს მაქსიმუმ 75 კრედიტიც.

ერთი კრედიტი 30 საათია.

კრედიტების რაოდენობაა მინიმუმ 60 და მაქსიმუმ 75.

შეფასების სისტემა არის 100 ქულიანი. რაც შეეხება გადანაწილებას, ეს დამოკიდებულია სკოლასა და არჩეულ პროგრამაზე

თუ შედეგების საშუალოს კოეფიციენტი (GPA) არანაკლებ 3,75-ია (A და A+) სტუდენტს ეძლევა სტიპენდია. სტიპენდიის მიღების წინაპირობაა წლიური 60 კრედიტის დაგროვება და სტუდენტის სტატუსის შენარჩუნება საქართველოს უნივერსიტეტში. სტატუსის შეჩერების შემთხვევაში, სტიპენდია გაიცემა სტატუსის აღდგენის შემდეგ. სტიპენტია 8 თვის განმავლობაში ერიცხება სტუდენტს თვეში 100 ლარის ოდენობით

• პრერეკვიზიტი არის საგნის წინაპირობა
• ალტერნატიული წინაპირობა
• თანაპირობა
• ალტერნატიული თანაპირობა

სილაბუსი სასწავლო კურსის პროგრამაა. მასში მოცემულია კურსის სათაური, სწავლების საფეხური, მიზანი და ამოცანები, სწავლების ფორმატი (სწავლების მეთოდი), კურსის საათობრივად გაწერილი შინაარსობრივი გეგმა, გამოყენებული სახელმძღვანელოების გვერდების ან სხვა რესურსების დეტალური მითითებით. ასევე, ცოდნის შეფასების პრინციპები (შუალედური, შემაჯამებელი, განმსაზღვრელი და სხვა), მოსალოდნელი შედეგები, კერძოდ, იმ ცოდნისა და უნარ-ჩვევების ჩამონათვალი, რომელსაც უზრუნველყოფს კურსის დასრულება.

ყოველკვირეული წერითი ან ზეპირი გამოკითხვა.

სასწავლო პროცესი არ მიმდინარეობს:

• მარიამობას ‐ 28 აგვისტოს
• გიორგობას ‐ 23 ნოემბერს
• დამოუკიდებლობის დღეს ‐ 26 მაისს
• საახალწლო არდადეგების განმავლობაში 25 დეკემბრიდან 9 იანვრის ჩათვლით
• აღდგომის კვირას ‐ აღდგომის წინა ოთხშაბათიდან მომდევნო კვირის სამშაბათის ჩათვლით
• საზაფხულო არდადეგების განმავლობაში- ივლისიდან აგვისტოს ჩათვლით

საქართველოს უნივერსიტეტში ფუნქციონირებს სტუდენტთა დასაქმების ხელშემწყობი სამსახური, რომელიც ზრუნავს სტუდენტებისა და კურსდამთავრებულების კარიერულ წინსვლაზე, მათი კარიერული უნარების განვითარებასა და დასაქმებაზე. საქართველოს უნივერსიტეტის პირველი კურსის პირველი სემესტრის შემდეგ, სტუდენტს შეუძლია ინდივიდუალურად, მოწოდებული დროებიდა, სალექციო გრაფიკის შედგენა.

საბაკალავრო საგანმანათლებლო პროგრამა მოიცავს 240 კრედიტს (8 სემესტრს), ერთსაფეხურიანი საგანმანათლებლო პროგრამა 300/360 კრედიტს (10/12 სემესტრი), ხოლო სამაგისტრო საგანმანათლებლო პროგრამა - 120 კრედიტს (4 სემესტრს).

დოქტორანტებისათვის სწავლა დაიწყება 1 სექტემბერს.

ა)  პირადი განცხადება,

ბ) ადმინისტრაციული რეგისტრაციის არგავლა,

გ)  აკადემიური რეგისტრაციის არგავლა.

დ) სარეგისტრაციოდ განსაზღვრული დოკუმენტების არასრულყოფილად წარმოდგენა.

სტატუსის შეჩერების მოთხოვნით სტუდენტი უნივერსიტეტის პრეზიდენტებს წარუდგენს წერილობით განცხადებას. სტატუსის შეჩერების მოთხოვნა სტუდენტს შეუძლია შესაბამისი სემესტრის ფინალურ გამოცდებამდე.

აღდგენისთვის განცხადება მიიღება:

• შემოდგომის სემესტრიდან სწავლის გასაგრძელებლად 20 მაისიდან 15 ივნისამდე
• გაზაფხულის სემესტრიდან სწავლის გასაგრძელებლად 30 სექტემბრიდან 25 დეკემბრამდე

სტუდენტის მიერ სტატუსის აღდგენის ვადის გადაცილებისას, სტატუსის აღდგენის საკითხს განიხილავს საბჭო. სტატუსის აღდგენის მოთხოვნის დაკმაყოფილებისას აკადემიური საბჭო განსაზღვრავს სტატუსის აღდგენის პირობებს:

• სტუდენტის მიერ უნივერსიტეტის მიმართ ნაკისრი ვალდებულებების შესრულება, თუ სტატუსის შეჩერების საფუძველი ამ ვალდებულებათა შეუსრულებლობა იყო;
• ის სტუდენტები, რომელთაც სტატუსი შეუჩერდათ ადმინისტრაციული რეგისტრაციის არგავლის გამო, ვალდებულნი არიან გადაიხადონ როგორც სწავლის საფასური, ასევე ადმინისტრაციული რეგისტრაციის  არგავლის  გამო დაკისრებული სანქცია;
• სტატუსის შეჩერების მიზეზის აღმოფხვრა.

სტუდენტს სტატუსი არ აღუდგება, თუ არსებობს საბაკალავრო და სამაგისტრო სწავლების  დებულებით გათვალისწინებული სტატუსის შეწყვეტის საფუძველი.

თუ სტუდენტი საპატიო მიზეზით აცდენს საგანში შუალედური შეფასებას,  მას აღუდგება 1 საგანში მხოლოდ 1 შუალედური შეფასების ფორმა. საპატიო მიზეზად მიიჩნევა: 

ჯანმრთელობის მდგომარეობა;

• ოჯახის წევრის/ ახლო ნათესავის გარდაცვალება;
• სახელმწიფო სამსახურში გამოცხადების აუცილებლობა;
• საკუთარი ან ოჯახის წევრის ქორწილი
• შვილის შეძენა
• ეროვნულ სპორტულ ღონისძიებაში მონაწილეობა.

მობილობით გადმოსულ და გაცვლით პროგრამაში მონაწილე სტუდენტებს, რომლებიც დაგვიანებით შეურთდნენ სასწავლო პროცესს აღუდგებათ ყველა შუალედური შეფასება, რომელიც ჩატარდა სტუდენტის სასწავლო პროცესში ჩართვამდე.

ფინალური გამოცდის  აღდგენა:

1. დასკვნითი გამოცდის აღდგენის ვადა არ შეიძლება სცდებოდეს სასწავლო სემესტრის დასრულების ვადას. დასკვნით და შესაბამისი გამოცდის აღდგენას შორის შუალედი უნდა იყოს არა ნაკლებ 5 დღისა. აღდგენის ცხრილი სტუდენტს ეცნობება „ჩემი UG“–ის საგამოცდო ცხრილის მეშვეობით გამოცდის ჩატარებამდე მინიმუმ ორი დღით ადრე. 2
2. ავადმყოფობის გამო დასკვნითი გამოცდის გაცდენის შემთხვევაში სტუდენტი წერს განცხადებას ჩემი UG-ის მეშვეობით შესაბამის შაბლონზე, არაუგვიანეს დასკვნით გამოცდის მეორე დღისა, რომელსაც განიხილავს ექიმი და ავადმყოფობის საპატიო მიზეზად ჩათვლის შემთხვევაში დაკმაყოფილებულ განცხადებას გადასცემს სასწავლო პროცესის ადმინისტრირების სამსახურს.
3. სტუდენტს უფლება აქვს წარმოადგინოს ავადმყოფობის ცნობა დასკვნითი გამოცდის ჩატარებიდან 3 დღის ვადაში. ცნობაში მითითებული უნდა იყოს, რომ კონკრეტულად გამოცდის მიმდინარეობის დროს ჯანმრთელობის მდგომარეობის გამო არ ქონდა სტუდენტს შესაძლებლობა დასწრებოდა გამოცდას.
4. დასკვნითი გამოცდის სხვა მიზეზით გაცდენის შემთხვევაში, გამოცდის აღდგენის უფლების მოსაპოვებლად სტუდენტმა „ჩემი UG“–ის მეშვეობით უნდა მიმართოს სასწავლო პროცესის ადმინისტრირების სამსახურს არაუგვიანეს გამოცდის ჩატარების მომდევნო სამუშაო დღისა და გამოცდის აღდგენამდე წარმოადგინოს საპატიო მიზეზის დამადასტურებელი დოკუმენტი. გამოცდის გაცდენის საპატიო მიზეზებია: ოჯახის წევრის/ახლო ნათესავის გარდაცვალება, მაგისტრანტის სამსახურებრივი მივლინება ან კანონმდებლობით გათვალისწინებული სხვა შემთხვევა. გამოცდის გაცდენის მიზეზის საპატიოდ ჩათვლის შემთხვევაში, სტუდენტი გამოცდას აღადგენს გადასახადის გადახდის გარეშე.
5. სტუდენტი, რომლიც გამოირჩევა მნიშვნელოვანი წარმატებებით საზოგადოებრივი საქმიანობის, სპორტის ან ხელოვნების სფეროში, კერძოდ, თუ სტუდენტი არის საქართველოს ან საერთაშორისო ტურნირების, საერთაშორისო კონკურსების, ფესტივალების გამარჯვებული, პრიზიორი, ლაურიატი და სხვა შესაბამისი დოკუმენტების წარმოდგენის შემთხვევაში სარგებლობს იმ გამოცდის უფასოდ აღდგენის უფლებით, რომლის გაცდენის მიზეზი შესაბამის ღონისძიებაში მონაწილეობაა. ასეთ შემთხვევაში, სტუდენტმა განცხადებით უნდა მიმართოს სასწავლო პროცესის ადმინისტრირების სამსახურს გამოცდამდე ერთი სამუშაო დღით ადრე და განცხადებას დაურთოს შესაბამისი დოკუმენტაცია.
6. არასაპატიო მიზეზით გაცდენილი გამოცდის აღდგენის შემთხვევაში სტუდენტი სასწავლო პროცესის ადმინისტრირების სამსახურს მიმართავს არაუგვიანეს გამოცდის ჩატარების მომდევნო ორი სამუშაო დღისა. განცხადებას უნდა დაერთოს გამოცდის აღდგენის საფასურის გადახდის ქვითარი. გამოცდის აღდგენის საფასური დგინდება პრეზიდენტების აქტით.
7. ექიმის მიერ განცხადების დაუკმაყოფილებლობის შემთხვევაში გამოცდა აღდგენას არ ექვემდებარება.

საგანმანათლებლო პროგრამის სასწავლო კომპონენტი დაძლეულია 51 ქულის (51%) მიღების შემთხვევაში; ამასთან, სტუდენტმა ფინალურ გამოცდაში უნდა აიღოს მაქსიმალური 40 ქულიდან 20 ქულა მაინც. სტუდენტი სარგებლობს ფინალური გამოცდის გადაბარების უფლებით შემდეგ შემთხვევებში: სტუდენტი, რომელმაც ვერ მიიღო ფინალური გამოცდის ჩაბარებისათვის დადგენილი მინიმალური 20 ქულა, მაგრამ შეფასებათა ფორმების ნებისმიერი ერთობლიობით (ქვიზი, შუალედური გამოცდა, პრეზენტაცია; ფინალური გამოცდა) უგროვდება 41 ქულა და მეტი, დაიშვება დამატებით გამოცდაზე.

სტუდენტი უფლებამოსილია გაეცნოს ნაშრომს და გაასაჩივროს შუალედურ შეფასებაში მიღებული შედეგი მიღებული შეფასების UG სისტემაში ასახვიდან 2 კალენდარული დღის ვადაში. შუალედური შეფასების გასაჩივრებაზე დაშვების გადაწყვეტილებას იღებს შესაბამისი სკოლის დეპარტამენტის უფროსი.

ფინალური გამოცდის შედეგების გამოქვეყნებიდან არაუგვიანეს მეორე დღისა სტუდენტი უფლებამოსილია „ჩემი UG“–ის მეშვეობით განცხადებით მიმართოს თავისი სკოლის დირექტორს/დეპარტამენტის უფროსს და გაასაჩივროს ფინალური გამოცდის შედეგი. სტუდენტმა განცხადებაში უნდა მიუთითოს, თუ რომელ საკითხს ან შეფასების რა ნაწილს აპროტესტებს. ზოგადი პროტესტი არ განიხილება. განცხადების მიღებიდან 7 დღის ვადაში სკოლის დირექტორი უზრუნველყოფს განცხადების განხილვასა და შედეგების სასწავლო პროცესის ადმინისტრირების სამსახურისათვის მიწოდებას.

საქართველოს უნივერსიტეტი მონაწილეობს ბოლონიის პროცესში და ის აღიარებული უნივერსიტეტია როგორც ევროპაში, ასევე ამერიკის შეერთებულ შტატებში.

საქართველოს უნივერსიტეტში მოქმედებს როგორც ერაზმუს+, ასევე ინდივიდუალური გაცვლითი პროგრამები. Გაცვლითი პროგრამები ცხადდება ყოველ სემესტრში მოცემულ გვერდზე: https://ug.edu.ge/ge/gacvliTi-programebi. Გაცვლით პროგრამებში მონაწილეობის მიღება სტუდენტებს შეუძლიათ მეორე კურსის პირველი სემესტრიდან. 

საქართველოს უნივერსიტეტში გაცვლითი პროგრამების საკითხებს კურირებს საერთაშორისო სტუდენტებისა და საერთაშორისო ურთიერთობების სამსახური. 

ნუცა ვეფხვაძე  - n.vephkhvadze@ug.edu.ge